MARTES ROBÓTICOS ( 6º EI)

 Durante este curso, o alumnado de 6º EI realizará a actividade os martes robóticos, nos que coñeceremos os distintos recursos da nosa Biblioteca Creativa, sobretodo do Leolab, e gravaremos vídeos-titorais para elaborar un panel con códigos Qr, de forma que toda a Comunidade Educativa teña acceso á información necesaria para utilizar calquera recurso do que dispoñemos no centro.

Están moi ilusionados/as, pois din que serán Youtubers!!!

Para poder realizar o vídeo precisamos primeiro xogar e coñecer moi ben o recurso, así que man á obra:

Este martes comezamos as nosas sesións coñecendo o ESCORNABOT: as súas partes, plantillas e desprazamentos.

Cando estabamos xogando co escorna na plantilla démonos conta de que non coincidía o movemento coas cuadrículas da mesma. Así que pensamos... Porque?

O escornabot anda menos que o que mide cada cuadrícula da plantilla, así que medimos as cuadrículas e o desprazamento do escorna utilizando unha regra: A plantilla que utilizamos era de cuadrículas de 15 cm e o escorna anda 10 cm.

Así pois, para xogar con este escorna precisamos unha plantilla con cuadrículas de 10cm. Pensamos...Onde pode haber plantillas? NO LEOLAB!!!!

Alá marchamos e atopamos moitas plantillas, medimos algunhas e atopamos unha que nos servía!!!! 

O próximo martes xogaremos e comezaremos a preparar todo para poder gravar o vídeo-titorial!!

RECICLAXE

Antes da suspensión das clases, en 3 e 4 anos estivemos  traballando a reciclaxe. Primeiro fixemos un xogo no que cada un tiña unha tarxeta coa foto dun residuo e tiña que colocala no vertedeiro correspondente. Despois fixemos unha ficha para afianzar o aprendido e se non recordaban en que contenedor iba podían levantarse mirar no xogo anterior. Ao dia seguinte con esas mesmas fotos fixemos un xogo de bee-bot, tiña que sacar unha tarxeta onde estaban os diferentes contenedores e levar o bee-bot o lixo correspondente. Podedes ver todas as fotos premendo no seguinte enlace: reciclaxe.

ESCORNABOT (4º/5º E.I.)

Hoxe os nenos de 3 anos e os novos de 4 anos coñeceron o funcionamento dos escornabots, gustáronlles moito porque tiñan que escoller un dos seus compañeiros/as e levar o escornabot ata a súa foto.

Leolab: recordando as vogais

Hoxe fomos ó Leolab!!!!!
Dividimos a clase en pequenos grupos que foron rotando polos 6 obradoiros dispoñibles: trazo das vogais na pantalla multitáctil, xogo de escornabots para relacionar imaxes coa vogal coa que comezan, construir vogais con paos de cores, vogais no mural Lego, trazo de letras na mesa interactiva e xogo das vogais na mesa de luz.
Despois de xogar e recoller, utilizamos as lentes que hai no Leolab para ver a un verme que atopamos no cole.
Foi un momento moi divertido e constructivo!!!


fotos: Leolab

Escornabots: xogo de números ( 5º EI)

Hoxe xogamos co escornabot a un xogo de asociar cantidades con números, para iso precisamos un dado xigante. Pasámolo xenia!!!


Números escornabóticos

PROXECTO CHINA: ONDE ESTÁ CHINA?

Tras descubrir que o debuxo de Monster era un dragón chino, buscamos onde está China, primeiro nun mapa mundi grande e despois axudamos ó escornabot, que lle chamamos Rosita, a chegar a China.


                                  Onde está China?

ANIMAIS MARIÑOS (6º E.I.)

Traballamos as diferentes especies de animais mariños cun xogo moi divertido mediante os escornabots. Tiñamos que clasificar os animais en crustáceos, mamíferos, peixes e moluscos, tirábamos o dado e buscábamos un desa familia e despois comprobábamos. Foi unha actividade moi divertida, na que afianzamos conceptos e despois serviunos para facer o traballo perfecto. Podedes ver todas as fotos premendo no seguinte enlace: escornabots.

ACTIVIDADE MAKER (6º E.I.)

O pasado luns fixemos o noso primeiro contacto coas actividades maker, que é unha palabra que imos empezar a empregar moito en educación. Esta actividade consistiu en crear diferentes circuitos en grupo para despois poder facelos cos escornabots, para elo fixemos barreiras con pizas e palliñas, pontes con tubos do papel, puxemos animais polo menos... ao principio foi moi complicado pero pouco a pouco fumos aprendendo dos nosos erros e resultou unha experiencia moi enriquecedora. Podedes ver todas as imaxes premendo no seguinte enlace: circuitos.

ZARPAMOS! (6º E.I.)

Está próximo que levemos anclas e zarpemos co noso crucero do porto de Malpica, por iso o primeiro que fixemos foi comprobar cales son as cousas imprescindibles que precisamos para navegar e grazas as todos os obxectos que aportáchedes das casas foi unha actividade moi enriquecedora. Miramos o mapa cunha carta de navegación (cal será a nosa ruta), a importancia dos chalecos e dos botes salvavidas, a utilidade da brúxula e tamén dos prismáticos.

Como o tema da brúxula pareceunos moi interesante estivemos aprendo a orientarnos a través do mapa do Bee-boot, buscábamos un país e despois indicábamos se tiñamos que ir cara o norte, sur, este ou oeste.

Finalmente hoxe decidimos cal será o noso primeiro destino e, por moito que insistí para ir descubrir América, eles queren ir o Polo Norte pero a volta faremos unha parada en Laponia. O que fixemos foi localizar no mapa mundi onde está o porto de Malpica e de ahí zarparemos. Podedes ver todas as fotos premendo no seguinte enlace: brúxula.

COÑECEMOS OS ESCORNABOTS ( 4º EI)

Fixemos un primeiro contacto cos escornabots, miramos como son, as partes que teñen, como se xoga, as normas de uso...e intentamos traballar en grupo, uns sinalaban co rotulador o lugar onde debía chegar o escornabot e os demais os dirixían, pasámolo xenial!!!

        

                   

LETRAS GALEGAS E TIC (5º E.I.)

Neste mes das Letras estamos traballando  a figura de Carlos Casares e nesta ocasión empregamos as ferramentas TIC para afondar na súa obra. Tiñan que buscar co escornabot un libro deste autor e despois comprobaban coa tablet, co programa AURASMA, se realmente era de Carlos Casares, xa que o escanear o libro coa tablet saía a foto do autor. Podedes ver todas as fotos desta actividade premendo no seguinte enlace: letras e TIC.

ESCORNABOTS NAVIDEÑOS (5º E.I.)

Estes días aproveitamos para seguir traballando cos escornabots, eses pequenos robots cos que aprendemos tantas cousas sen darnos conta. Fixemos un taboleiro sobre o nadal e para saber como tiñamos que mover o escornabot, tirábamos un dado xigante e a imaxe que saía era onde o tíñamos que desprazar. Cando rematamos todos, xogamos por equipos co beebot, co taboleiro dos números, da granxa... foi moi divertido. Todas as fotos as podedes ver no seguinte enlace: escornabots nadal.

ESCORNABOTS (5º E.I.)

Hoxe chegaron a clase por primeira vez os escornabots, non sabíamos o que eran e pensamos que eran coches, motos... pero, finalmente, descubrimos que eran uns robots, pero uns robots moi especiais que íbannos axudar a repasar as figuras xeométricas, aquí podedes ver o ben co pasamos con eles: escornabots