Día da Muller: herdeiras das pandereteiras de Mens

 

O pasado luns conmemoramos o Día da Muller traballadora coa visita de catro integrantes pandereteiras da Asociación Cultural e deportiva Carcaxía de Seaia. Desta maneira, Teresa, Isabel, Basilisa e Ana deleitaron o alumnado de Educación Infantil e o primeiro ciclo de Educación Primaria co seu cantar e o seu tocar, responderon moi amablemente a todas as preguntas que lles fixeron e incluso cantaron unhas pezas co alumnado que asiste as súas clases. Posteriormente o alumnado de Educación Infantil elaborou a súa biografía para colocar no mural común do centro polo Día da Muller. Podedes ver todas as fotos premendo no seguinte enlace: día da muller.

VI Concurso de Podcasts-Radio na biblio

Estamos en hora boa, o podcast de 6º de educación infantil resultou premiado no VI Concurso de Podcasts-Radio na biblio cunha produción propia a modo de concurso que percorre a biografía de Luísa Villalta e co acompañamento do acordeón de Suso Moreira.

O podcast será difundido na páxina web da Radio Galega e na plataforma dixital A Galega Audio e a asignación do premio (1.250 €) será destinada, tal e como recolle a convocatoria do concurso, a melloras no laboratorio de radio ou actividades relacionadas co seu funcionamento, sempre vinculado á biblioteca do centro. Escoitade con atención se a Luísa Villalta queredes coñecer e ata podedes probar, a ver se sodes quen de respostar:

Acceso a memoria do proxecto facendo clic 👉 MEMORIA ¨XOGANDO CON VIOLINOS¨

6º EI_ LETRAS GALEGAS: LUÍSA VILLALTA

O Día das Letras Galegas no presente ano está adicado a Luísa Villalta e dende a aula de 6º de Educación Infantil estivemos traballando a figura desta escritora.                                                                   

Traballamos sobre aspectos da súa vida, as súas obras e a implicación social que deixou demostrada no gran activismo que exerceu na busca la liberdade e a igualdade así como a colaboración do movemento NUNCA MÁIS ou o NON A GUERRA de Palestina.

Creamos uns marcapáxinas de Luísa Villalta e preparamos un concurso que presentamos en directo no centro cívico co gallo do FESTIVAL DAS LETRAS, baseado no podcast que presentamos ao VI Concurso de Podcasts Radio na Biblio e que resultou premiado!

FELIZ DÍA DAS LETRAS GALEGAS A TODOS E TODAS!

LETRAS GALEGAS

Xa queda pouco para celebrar o Día das Letras Galegas, e polo tanto para o noso Festival das letras.

Para ir abriendo o apetito deixamos unha mostra dunhas das actuacións que veremos no noso Festival, un podcast creado polo alumnado da aula de 6º de Educación Infantil.

Esperamos que vos guste!!

DÍA DAS LETRAS GALEGAS

 Hoxe, o alumnado de infantil e 1º de Educación Primaria, visitamos o centro cívico onde gozamos dunha actuación da man de Soraya Lema e Adela Dios , chamada " O exército das paxariñas", unha representación de obras escritas e obras traducidas de Xela Arias.

DÍA DAS LETRAS GALEGAS: XELA ARIAS ( 4º EI)

 

- Realizamos marcapáxinas

- Xogamos con este recurso ofrecido polo Seminario Galán:

FOTOS

CALIGRAMA DAS LETRAS GALEGAS

A partir do poema de Manuel María (audio recitado pola profe Vanessa e publicado no programa Que me contas? de Radio Balea) o alumnado do CEIP Milladoiro creou uns fermosos caligramas con forma do arco da vella, xa que ademais este converteuse nun símbolo de esperanza durante esta pandemia. No seguinte vídeo tedes un resume  da creatividade dos nenos e nenas:

LETRAS GALEGAS E DÍA DA FAMILIA

A DATA MÁXIMA PARA O ENVÍO DO CALIGRAMA E O AUDIO RECITANDO UN POEMA DE ROSALÍA É O LUNS 18 DE MAIO. GRAZAS

LETRAS GALEGAS

O domingo festexamos o Día das Letras Galegas, e este ano está dedicado a Carvalho Calero.
A pesar de que en infantil traballamos esta conmemoración a través da arte e Rosalía de Castro, enviamos recursos para os/as que quieran coñecer un pouco máis a este home e a súa obra.

• ESCAPE ROOM

https://view.genial.ly/5eb042186f16bf0d194d52c8/presentation-letras20

• CONTOS:

Os bolechas: Carvalho Calero

• ACTIVIDADES EN REDE:

http://seminariogalan.org/inicio/portada/actividades/

• CONTO/MÚSICA/ACTIVIDADE

http://aspitas.gal/


MONTÓN DE RECURSOS 

https://aulasgalegas.org/especial-letras-galegas-2020-ricardo-carvalho-calero/

PROXECTO EXPRES-ARTE ( 11º SESIÓN)

LEO, LEO...TI LES?

Esta actividade forma parte do programa de Radio Balea: Festexamos!! 

Neste audio está a profe Vanessa recitando un poema de Manuel María:

Se non tedes instalada unha gravadora, podedes instalar unha app coma esta:

PROXECTO EXPRES-ARTE ( 10º SESIÓN)

MOI BEN!!!!!!!!! O cadro de Viki Rivadulla está dedicado a Rosalía de Castro.

ACTIVIDADE:

Agora tedes que que escribir, igual que Rosalía, cousas sobre vós utilizando a estructura do seu poema.

Exemplo:

Eu... paseo

Eu... xogo

Eu ... cociño con mandil

Eu...

MES DAS LETRAS ( 4º EI )

Dende a celebración do Día do Libro, 23 de abril, ata o Festival das Letras, o 18 de maio, celebramos no cole o MES DAS LETRAS. Neste tempo realizamos a actividade dos Padriños/madriñas lectores, coñecemos a María Victoria Moreno, fixemos un abecedario do Mar, sacamos fotos con nosos contos favoritos e puxémolas nuns peixes para o mural Un mar de Contos, aprendimos a canción de "Peixiños do Mar", de A Banda dos Cueiros, e participamos no Festival das Letras, cantando e bailando esta canción, co acompañamento instrumental dos nenos e nenas de 6º de Primaria.



Para ver as fotos do mural premer na seguinte dirección:


https://photos.app.goo.gl/5NTLwUcZHBcdThUb8


ACTUACIÓN NO FESTIVAL


https://photos.app.goo.gl/pccpVJYwSzCd6Ni42

A GALIÑA AZUL (5º E.I.)

Para rematar o  Mes das Letras estivemos traballando a Galiña Azul de Carlos Casares. Primeiro visionamos un conto que realizaou sobre este libro as aulas de Educación Especial do colexio Compañia de María. Despois realizamos sumas coas plumas da galiña azul, para finalmente facer a nosa propia galiña cunha técnica nova que é tinguir sal cun contagotas. Todo o traballo o podedes ver premendo no seguinte enlace: a galiña azul.

ACTUACIÓN MES DAS LETRAS ( 6º EI )

Para celebrar o Día das Letras Galegas, ademais de traballar a Carlos Casares na aula, participamos no Festival recitando as poesías realizadas na actividade Gori-Gori ( invención de versos a partir dun cadro). Os versos fixéronse coa axuda das familias a partires dunha ilustración de Aurora Cascudo na que homenaxea a Rosalía de Castro.

FESTIVAL DAS LETRAS 2017 - Kizoa Editar Videos - Movie Maker

FESTIVAL DAS LETRAS (5º E.I.)

O can Rin e o Lobo Crispín from Sandra on Vimeo.

LETRAS (5º E.I.)

Comezamos a facer a nosa portada para os traballos que realizamos nos mes das letras e empregamos a técnica dos bastoncillos decorando así con puntiños de cores. Ademais tamén usamos, por primeira vez, os selos de estampación para poñer o noso nome e encantounos. Podedes ver todas as fotos premendo no seguinte enlace: letras.

LETRAS GALEGAS E TIC (5º E.I.)

Neste mes das Letras estamos traballando  a figura de Carlos Casares e nesta ocasión empregamos as ferramentas TIC para afondar na súa obra. Tiñan que buscar co escornabot un libro deste autor e despois comprobaban coa tablet, co programa AURASMA, se realmente era de Carlos Casares, xa que o escanear o libro coa tablet saía a foto do autor. Podedes ver todas as fotos desta actividade premendo no seguinte enlace: letras e TIC.

ACUARELAS DE GALICIA (6º E.I.)

 Despois de repasar os poemas de Manuel María, finalizamos o seu estudio co poema de Galicia. Analizamos todos os versos buscando imaxes de Galicia que tiveran montañas, portos mariñeiros, cidades, ríos... tal e como indica o poema. O que mais nos gustou foi a versión de Suso Vaamonde.

Finalmente fixemos as nosas paisaxes de Galicia con acuarela e ceras brandas.

EMPANADILLAS POÉTICAS (6º E.I.)

Despois de adicar todo o mes de maio ás Letras Galegas e a Manuel María quixemos facer unha actividade de repaso de todos os seus poemas aprendidos e, para iso, o primeiro que fixemos foi anotar no encerado os poemas que recordábamos, ao mesmo tempo cos buscábamos en internet.

 Foron un total de 13 poemas os recordados e decidimos que queríamos facer algo na cociña para que cada un repasara un poema distinto, así que pensamos que podíamos cociñar para introducir un papel co título de cada poema, propoñendo as seguintes comidas:

 

Foron varias as opcións pero decantámonos polas empanadillas non sen problemas porque... como fanse as empanadillas? pensábamos que con pan, pementos, sal, atún... Así que fumos a biblioteca a consultar que precisábamos para preparalas e despois comparamos os ingredientes que acertamos e os que non, polo que ao mesmo tempo elaboramos a lista da compra.

 

Despois de todo este proceso por fin fumos hoxe a cociñar e aínda ca nosa intención eran as empanadillas poéticas, non nos resistimos a preparar unhas empanadillas de bonito con tomate, que ademais estaban boísimas.

E, finalmente, abrimos a empanadilla co poema, comimos as migallas todas que quedaban enriba da mesa e fixemos un debuxo do que nos tocou.

 A continuación tedes un resumo de toda a actividade:

 

 

Festiletras 2016

O pasado venres, 20 de maio, vivimos unha xornada de convivencia no Couto para festexar o Día das Letras Galegas. Alumnos e alumnas de distintos centros escolares, Cabana, Laxe, Malpica, Ponteceso, Buño...participaron no Festival dos soños con  interpretacións de cancións e poemas de Manuel María, autor homenaxeado este ano.

A xornada terminou coa actuación de Uxía Senlle, Santi Cribeiro e Magín Blanco que interpretaron cancións do seu albúm Canta o cuco.

O resumo de esta xornada quedou recollido en La Voz de Galicia, nun vídeo resumo e no seu albúm fotográfico.