Semana do Medio Ambiente: Construíndo na area

Premer na imaxe para acceder á galería de fotos

O 5 de xuño de 2023, conmemorouse o Día do Medio Ambiente e NÓS comezamos a semana coa actividade da proposta trimestral: construíndo na area!

A actividade acolle unha saída á praia para realizar construcións relacionadas con Galicia, atendendo ao PDI que finalizamos este curso.

Para realizar esta actividade comezamos investigando na biblioteca. Dividimos a clase en 5 grupos e cada un deles tivo que buscar nos libros monumentos e obras arquitectónicas Galegas que lles gustaban. Unha vez que escolleron o que querían representar coa area, utilizaron as tablets para topar a imaxe que precisaban como modelo na praia. 

Parabéns, miniarquitect@s!

VISITANDO RESTOS PREHISTÓRICOS ( 5º E 6º EI)

 O venresvisitamos o Dolmen de Dombate  eo Castro de Borneiro, xa que necesitabamos descubrir quen foron os primeiros homes e mulleres en vivir en Galicia e de quen eran as ferramentas da Serea Leo, e descubrimos que foron os...

PREHISTÓRICOS!

Os primeiros vivían en covas e construíron Dolmens, que eran lugares onde enterraban ós seres queridos todos xuntos, e máis adiante apareceron os castrexos, que tamén continuaron utilizando estas estruturas.

Nesta visita, ademais de coñecer o Dolmen de Dombate e descubrir moitas curiosidades, puidemos entrar dentro dunha recreación dun Dolmen coas súas pinturas interiores e petroglifos, e observan algunhas das ferramentas e tecidos que creaban coa pel e ósos de animais. 

Despois visualizamos uns debuxos animados sobre a vida na prehistoria e como foron aprendendo a crear cachelas, a cazar e pescar, a utilizar o barro, as ferramentas...

Rematamos a visita realizando unha rápida visita ó Castro de Borneiro, xa que o tempo non era nada apacible, polo que volvimos ó cole para merendar e mentres ver un pouquiño a película animada Los Croods, cuxa temática é sobre a era prrehistórica. Antes de marchar, tivemos tempo de xogar un ratiño.

Premer na imaxe para acceder á galería

TRADICIÓN GALEGA (6º E.I.)

Rematamos o curso con este pequeno proxecto sobre a tradición galega. Tras a visita ao museo do pobo galego e o museo etnolúdico de Ponteceso foi moito interés o que suscitou todo o relacionado cos traballos antigos, os xogos, as roupas... e aínda co tempo era moi xusto aprendimos moitas cousas cos obxectos que foron traendo das casas.