Aniversario de Anna ( 5º EI )

Antes das vacacións do Nadal celebramos o último aniversario do trimestre, o de ANNA. Agora tod@s teñen xa 4 anos!!!!

Tras escoller a receita días previos, fomos á cociña para facer un bizcoito de chocolate coa forma de copo de neve. Lavamos as mans, collemos os ingredientes, batemos ovos, contamos e medimos a cantidade de azucre , fariña, aceite e chocolate que precisamos, quentamos o forno e utilizamos a amasadora para que todo quedara ben mesturado. Mentres o bizcoito estaba no forno, recollimos e metimos os cacharros no lavavaixelas, e aproveitamos para darlle bicos e apretas a Anna, despois en clase, a nosa cumpleañeira soplou as velas, probamos o bizcoito , e rematamos coma sempre bailando!!!

Moitas felicidades Anna!!!

Fotos aniversario de Anna

PROXECTO CHINA ( 5º EI )

Este é un dos vídeos que máis nos gustan sobre o Proxecto de China!!!

RECEITA DO NADAL ( 5º EI )

O sábado é o cumple de Anna e, como sempre, imos facer unha receita, pero tendo en conta que o Nadal está próximo, propúxenlle ós peques cociñar algo propio destas datas, polo tanto visitamos a cociña para revisar os libros de receitas e atopar algo do Nadal para cociñar na celebración do aniversario de Anna.

Antes de ir á cociña pensamos que cousas son típicas destas datas, e apuntámolas na pizarra. Na cociña atopamos cousas moi interesantes, entre elas, unha receita china, o Wan tun, pero entre tanto buscar descubrimos na cociña moldes de galletas e biscoitos con diversas formas: cabaliño de xoguete, galletas do nadal, bastóns, Papá Noel... os moldes gustáronnos tanto que fixemos unha votación entre o molde de biscoito de copo de neve ou a receita dunha árbore con lacasitos, o resultado foi aplastante 13:0, polo que faremos o biscoito con forma de copo.


Fotos da receita do Nadal

RECUNCHO DE CHINA ( 5º EI )

O noso recuncho de China segue enchéndose de materiais moi interesantes. Onte Noa trouxo unha bolsa, que xa de por si, deu tema de conversa, e dentro dela un montón de materiais: un mapa dunha cidade China, unha guía turística, paos, un billete de 100 yuan, un traxe típico e unhas tarxetas coas traduccións de frases e palabras básicas, e Dania colaborou traendo un debuxo dun neno e unha nena china ( fixámonos na forma dos ollos) e un debuxo dunha pagoda. Moitísimas gracias por compartir tantas cousas!!!

ANIVERSARIO ANTÍA ( 5º EI )

A semana pasada foi o aniversario de Antía, así que aproveitamos para cociñar os fideos que nos quedaban, e posto que descubrimos que en China comen moito pescado, fixemos fideos con gambóns e palitos de cangreixo. Tivemos que cocer e pelar os gambóns, cortar os paliños e xuntar todo cos fideos, mentres acababa de facerse , vaciamos e volvemos a encher o lavavaixelas e limpamos as mesas. Despois soplamos as velas , cantamos cumpleanos feliz, e probamos a nosa receita, por suposto tamén lle dimos moreas de bicos e apretas.

Antía xa ten 4 anos, moitas felicidades!!!!!!!!



FOTOS ANIVERSARIO ANTIA

VISITA Ó MELGA

O nadal xa está próximo, época de moitos regalos, así que o ciclo de infantil visitamos o Melga,  para ver outros xoguetes que non saen nas revistas. Alí Ricardo ensinounos un montón de xogos e xoguetes antigos, moitos deles feitos con materiais naturais, e aínda que o tempo non acompañou para saír a fóra a xogar, pasámalo en grande!!!!!!!


FOTOS:  VISITA Ó MELGA

RECUNCHO DE CHINA ( 5º EI )

 Estos últimos días seguimos ampliando o noso recuncho chino, Valentina trouxo un debuxo dunha pagoda e unha careta de dragón chino, Juan Luis agullas de acupuntura e un cartel no que descubrimos que en Lugo tamén hai unha muralla como a de China, pero moitísimo máis pequena, tamén os guerreiros de Xián e as artes marciais, e Saúl trouxo un gorro chino e un dragón moi chulo feito con vasiños vermellos, e tamén fotos dunha pagoda, da Gran Muralla China, dun Dragón feito con froita, un oso panda comendo bambú e os guerreiros de Xián

 Moitas gracias a todos!!!!!!!

Matemáticas manipulativas ( 5º EI )

Como cada día, despois de facer as rutinas na asemblea, facemos xogos matemáticos!!

matemáticas manipulativas

A GRAN MURALLA CHINA ( 5º EI )

Hai unhas semanas descubrimos a Gran Muralla China, sabiamos que era moi grande, tan grande que se ve dende o espazo ( temos pendente ir ó espazo para vela). Así que decidimos facer a nosa propia Muralla utilizando cartóns de leite, recollimos unha morea deles, así que esta semana comezamos a nosa construcción.

Para comezar metímolos nunha caixa moi grande, e por turnos, collimos catro cartóns para facer unha pequena muralla, coa problemática das contas: algúns collían de máis e outros de menos... cantos cartóns teño que quitar? cantos teño que poñer para ter catro?

Unha vez que todos tiñamos catro cartóns e a muralla feita, xuntámolas para facer unha xigante pero... Dímonos conta que non tiñamos suficientes cartóns de leite para facer a Gran Muralla por todo o pasillo, así que ó final fixémola con pequenos bloques de madeira da biblioteca escolar. Tiñamos que colocar 10 bloques e despois un cartón de leite como torreón, e así ata chegar ó final. Neste proceso tivemos o grupo de constructores, o persoal de limpeza e os xefes da construcción, comprobando a colocación e cantidade de bloques. Despois desta actividade, coa que estaban moi emocionados, decidimos recoller, xa que se deixabamos a nosa Muralla no pasillo, acabaría desmontada. Pero despois tivemos unha sesión de psicomotricidade con Manu, nesta sesión tiveron que facer outra Muralla China, primeiro tiñan que cruzala mantendo o equilibrio de un en un., despois cunha tea vermella, convertéronse nun... DRAGÓN CHINO!! Por grupos xogaron a cruzar a muralla e... Pasaronno xenial!!!!

Posto que seguiamos tendo cartóns de leite, decidimos reutilizalos , para o que fixemos unha actividade creativa de construcción e traballo en equipo. Creamos catro grupos, o grupo 1 formado por Dania, Breixo e Noa que decidiron facer un dragón chino, o grupo 2 composto por Santiago, Juan Luis, Antía e Saúl crearon tamén un dragón chino, o grupo 3 con Valentina, Anna, Gabriel e Marcelo fixeron a Gran Muralla China, e o grupo 4 formado por Leo, Benito e Clara construiron unha vaca.

Aínda que o traballo en equipo costa un pouquiño, e poñerse de acordo na toma de decisións tamén, foi unha actividade moi productiva e interesante, pero non está rematada, polo de agora están as bases, despois teremos que pintar e rematar as nosas obras de reciclaxe.



A GRAN MURALLA CHINA

Aniversario de Noa ( 5º EI)

O domingo Noa cumpliu 4 anos!!! No cole celebrámolo cociñando  uns deliciosos fideos chinos con verduras. Lavamos os tomates e o calabacín, e despois cortámolos xunto coa cenoria e o pemento, cocimos os fideos chinos, xuntamos todo, engadimos unha pizca de sal, rehogamos cun pouquiño de aceite e... A COMER!!! ( Xa temos grandes expert@s na utilización dos palillos chinos)
 Despois de recoller a cociña, poñer o lavavaixelas, soplar as velas e cantarlle cumpleaños feliz, regalámoslle a Noa bicos e apretas e rematamos a xornada bailando.
 Moitas felicidades Noa!!!



Fotos aniversario de Noa

MAGOSTO/ SAMÁIN ( 5º EI )

Para celebrar o Magosto e o Samaín fixemos nas últimas semanas varias actividades:




1. Participación das familias na creación de cabazas mariñeiras: ademais de facer unha exposición das cabazas da nosa aula na entrada da mesma, fixemos unha visita polo cole vendo as cabazas traidas noutros cursos.

FOTOS:  CABAZAS SAMAÍN





2. Truco ou trato: os nenos e nenas de infantil fixemos esta actividade , que consistía en ir polas aulas e facer un truco ou un trato. No medio da mañá do mércores apareceron os cativiños/as de 3 anos a darnos un susto coas caretas de medo e nos cantaron unha canción,  nos regalámoslles uns debuxos de monstros feitos o día anterior que estaban cheos de ollos de cores. Máis tarde nos marchamos a aula de 5 anos a dar un susto, tocámoslle unha canción coas caixas chinas e recibimos un agasallo: un debuxo de esqueletes!!!!!!

FOTOS:  TRUCO OU TRATO





3. Preparamos unha actuación sobre o Dragón chino para a semana de lecturas terroríficas, para iso creamos un dragón xigantesco, e tras descubrir que na aula de música, Nerea, tiña caixas chinas, decidimos incorporalas á actuación. Recibimos a axuda dos nenos e nenas de 4º de EI para suxeitar o dragón mentres nos facíamos a percusión coas caixas.

FOTOS:
PROCESO DE CREACIÓN DO DRAGÓN


VÍDEO

Actuación nas IX Lecturas Terroríficas



4. Magosto: todo o ciclo de infantil, o venres 26 de outubro, participamos a primeira hora duns xogos do magosto: encesta no barco, a castañita de guante guante, e os castañolos. Ó remate recibimos unha entrada para o cine. Todo o ciclo de infantil e o 1º ciclo de primaria baixamos ó centro cívico a ver a película COCO, pero antes buscamos a fila e o número de silla correspondente. Tras o visionado subimos ó cole, e na aula de psicomotricidade degustamos as castañas asadas e peladas.


FOTOS :  FESTA DO MAGOSTO


5. RADIO BALEA: subimos ó estudo de radio a facer un pequeno programa sobre o magosto e o Samaín.


vídeo: sesión radio

PROXECTO CHINA: CONTACONTOS ( 5º EI )

A semana pasada Noelia, a mamá de Breixo, visitounos con algo moi especial, un conto: La reina trotamundos en China.

Neste conto descubrimos, entre outras cousas moi interesantes, que a Gran Muralla China é moi grande, tan grande que podemos vela dende o espacio, polo que apareceu a idea de subir ó espazo, para o cal precisamos dun foguete, deron varias ideas, pero polo de agora, imos ver canto mide a Muralla, e intentar reproducir un trociño dela!!!


Moitas Gracias pola visita!!!

RECUNCHO DE CHINA ( 5º EI)

Os últimos días recibimos máis materiais para o noso recuncho, Antía trouxo un debuxo no que descubrimos a Gran Muralla China, Noa un debuxo dun Dragón Chino para cada un dos compañeiros/as co nome posto, polo que autónomamente buscan o seu e van ó recuncho do artista ou do pincel a decoralo, Valentina un cartel con algúns dos inventos chinos: pólvora, porcelana, seda, cometa, brúxula... e un xogo de tangram, Juan Luis fideos Yatekomo e Dania fideos chinos e unha receita para preparalos!!!!!

 





                 


     Moitísimas gracias a tod@s, estamos supermotivados con este Proxecto!!!!

Aniversario de Santiago ( 5º EI )

O mércores 14 Santiago cumpliu 4 anos!!!!!!

 O venres para celebralo fomos á cociña a facer arroz 3 delicias: cortamos as cenorias unha vez cocidas, cortamos en taquiños o pavo, lavamos os guisantes, fixemos unha tortilla francesa de 3 ovos... e engadimos todo nunha sartén cun pouquiño de aceite. Unha vez o arroz terminou de cocer, mesturamos todos, engadimos unha pizca de sal e... a comer!!!


Antes de poder probar a receita, soplamos as 4 velas e cantamos cumpleanos feliz , despois intentamos comer con palillos chinos, aínda que ó final utilizamos culleres, regalamoslle bicos e apretas e de volta en clase... bailamos!!

Moitísimas felicidades Santi!!!!!!!

Para ver as imaxes premer no enlace: 

Aniversario de Santiago 4 anos

RECUNCHO DE CHINA ( 5º EI )

Hoxe ó chegar ó cole atopámonos no buzón de clase o menú dun restaurante chino, descubrimos que ademais do arroz, comen carne, gambas, fideos e tallaríns, e que os números que estaban ó lado non era a temperatura  nin a cantidade de comida, era o prezo de cada plato!!!

Tamén hoxe miramos un par de libros que trouxo Breixo sobre a lectoescritura china, xa aprendemos a dicir hola: Ni hao!!!
Juan Luis trouxo dúas lámparas de papel pequenas, aprendemos que se chaman farolillos, e un abanico chino, o que nos levou a unha nova pregunta: Haberá moito calor en China?

Anna trouxo unha delicias chinas, unha especie de empanadillas de carne que estaban boísimas e que probamos case todos!!!!      empanadillas chinas

Tamén fixemos arroz chino con plastilina!!    arroz con plastilina

 Moitísimas grazas!!!

PROXECTO CHINA ( 5º EI)

O venres chegamos a clase moi emocionados, tiñamos un montón de cousas sobre China!!!!

Juan Luis trouxo unhas fotos de templos budistas, incienso e 5 moedas chinas unidas por un cordón vermello, que  se colocan na porta dos templos para evitar as malas enerxías. Decidimos facer un amuleto para a nosa clase, e encendimos o incienso!!!Valentina trouxo un debuxo de animais que hai en China, Anna una lámpara china rosa de papel, Santiago un montón de dragóns chinos de varias cores, un debuxo dun neno chino e un gato que non para de mover a pata!!!Dania trouxo o debuxo dun neno chino chamado Bruce Lee ( dará pé a traballar as artes marciais), o debuxo da bandeira de China e letras chinas!!!


MOITÍSIMAS GRACIAS A TOD@S!!!!

 


                   

GASTRONOMÍA CHINA ( 5º EI )

A semana pasada, Anna, trouxo a clase una especie de torta ou empanada para compartir, asi que fomos á cociña para quentala un pouquiño e probala e... estaba boísima!!!!! non sobrou ningún trozo!!


Tras darlle voltas a que sería eso que acabaramos de comer, decidimos preguntarlle á nai de Anna ,que estaba na porta na hora da saída, e descubrimos que ... comeramos comida china!!!!




fotos:   comida china


Unha vez en clase , pensamos que cousas comerían en China, e dixeron de todo: patacas con salchichas, gusanos, espaguetis, bichos, bolboretas, pizza, hamburguesas... Non chegamos a un consenso así que mandamos una nota para casa, por se acaso as familias nos podían axudar:

E hoxe, Valentina trouxo información valiosa, descubrimos que ós chinos gústalle moito o arroz e que comen con palillos chinos, así que utilizando os palillos que trouxo Valentina, probamos a coller pompóns e vimos que era bastante difícil, aínda que o pasamos moi ben!!!

Fotos: palillos chinos

AXUDAMOS A MONSTER ( 5º EI )

Subimos a Radio Balea para dicirlle a Monster que xa sabemos que era aquel debuxo que nos deixara no buzón da clase!!!!






vídeo en : sesión radio

PROXECTO CHINA: ONDE ESTÁ CHINA?

Tras descubrir que o debuxo de Monster era un dragón chino, buscamos onde está China, primeiro nun mapa mundi grande e despois axudamos ó escornabot, que lle chamamos Rosita, a chegar a China.


                                  Onde está China?

PROXECTO CHINA: O DRAGON CHINO ( 5º EI )

Tras ver o vídeo de Monster pedíndonos axuda, saímos a mirar no noso buzón de clase o que nos deixara e ...descubrimos un debuxo!!!!
Falamos sobre el: uns dicían que o debuxo era unha serpe, dragón japonés, unha sepia, unha vaca, un monstro mariño, un dinosaurio...que o de abaixo ( as letras chinas) era a casa do debuxo, que era a peza dun barco pirata, a cama... Tras moito divagar pensamos como poderiamos resolver esta incógnita, así que decidimos visitar as clases de 1º e 2º de Primaria e pedirlles axuda. En ambas clases dixéronnos que o debuxo era UN DRAGÓN CHINO, e na clase de 1º Primaria tamén nos informaron de que o de abaixo eran letras chinas, pero que eles non sabían o que poñía.
Pensando en quen nos podería axudar, un neno de clase dixo que poderiamos preguntarlle a un profesor de chino, así que buscamos en internet un profesor de chino en Coruña, e mandámoslle un correo. Cada neno/a achegouse ó ordenador a escribir varias palabras , e o resto comprobaba na pantalla que a letra escrita correspondía ó son da letra. Tras esperar un día recibimos a resposta, no debuxo poñía: DRAGÓN CHINO!!


 FOTOS:
Dragón chino no buzón
Correo academia de chino

XOGOS DE LÓXICA ( 5º EI )

A semana pasada descubrimos na clase a caixa de xogos matemáticos que forman xa parte 

da nosa rutina diaria. 

ANIVERSARIO DE BREIXO ( 5º EI )

A semana pasada celebramos o aniversario de Breixo, que xa ten 4 ANOS!!!!
Ademais de facer un libro persoal que aínda está en proceso de elaboración, fixemos unha receita de cociña: tomates recheos. Para facela cortamos ovo cocido , xamón e queixo, quitámoslle a pulpa ós tomates , mesturamos todos os ingredientes e recheamos o tomate, por último unha pizquiña de sal e aceite  e para o forno!!! Despois de probar o plato, Breixo recibiu bicos e apretas , bailamos coa música e descubrimos os regalos para toda a clase que trouxo Breixo: 2 cómics ilustrados, un libro dos grandes animais mariños e pintura de dedos metalizada. Moitas grazas!!!!

Imaxes en : Aniversario de Breixo

OS TRANQUILIÑOS ( 5º EI)

A semana pasada Monster presentounos ós seus amigos: OS TRANQUILIÑOS. Estes seres adoran a calma e a tranquilidade, e ademais desprenden un olor moi rico cando se da unha situación de relaxación. Sen embargo, cando hai moito ruído escóndense e xa non podemos velos!!!!

ANIVERSARIO DE GABI ( 5º EI )

O venres celebramos de novo un aniversario, nesta ocasión o de Gabriel, que xa cumpliu 4 anos!!!!!Como facemos habitualmente, elaboramos unha receita na aula de cociña, un prato que estaba boísimo, uns...BOCAPIZZAS!!!! Repartimos o pan, botámoslle tomate natural, troceamos o queixo e o xamón, engadimos un pouquiño de aceite e sal e para o forno. Despois abrazamos e bicamos a Gabriel, soplou as 4 velas non sen antes pedir un desexo, e rematamos bailando!!!! Moitas felicidades Gabi!!!!!!!

En breves rematará o seu libro persoal!!!

ANIVERSARIO DE GABRIEL

INICIAMOS UN PROXECTO: CHINA

👽👾    MONSTER PIDE A NOSA AXUDA

ANIVERSARIO LEO: XA TEN 4 ANOS!!

O venres celebramos o aniversario de Leo, o primeiro neste curso. Fomos á cociña, onde fixemos brochetas de froitas: melón, arándanos, uvas e plátanos, despois na clase degustámolas e estaban boísimas, aínda que o melón e os arándanos non tiveron demasiado éxito.Tras cantarlle varias cancións de aniversario, Leo pediu un desexo e soplou as catro velas, regalámoslle bicos e apretas e para rematar... bailamos todos xuntos!!!!Moitas felicidades Leo!!!! Agora soamente queda rematar o libro que está facendo sobre si mesmo!!


 Para ver as fotos e vídeos premer no enlace:


Aniversario de Leo

INICIO DE CURSO ( 5º EI)

O 12 de setembro comezamos o curso escolar, e estes días estivemos repasando conceptos xa vistos o curso pasado e aprendendo outos novos: a secuencia numérica, formas xeométricas, series sinxelas, o noso nome e o dos compañeiros... Recordamos as rutinas, comezamos a escoller recunchos para poder xogar, e estamos iniciándonos no uso das tesoiras.


Fotos no enlace:

Inicio de curso

Aniversario de Marcelo ( 4º EI )

Na última semana de cole antes das vacacións de verán, celebramos o aniversario de Marcelo, que cumpliu 4 anos!!!!!!

A semana anterior foi o protagonista, descubrimos moitas cousas sobre el, e agora xa rematamos o libro con algúns datos dos nosos protagonistas: a cor favorita, o que máis lle gusta do mundo, o que non lle gusta nada, a que lle ten medo, que quere ser de maior...
Tamén recibimos a visita de mamá e papá, que nos contaron a historia de Marcelo, e agora xa entendemos por que quere ter un tractor azul. Fixemos a receita para festexar o seu aniversario, Tortitas de Calabacín, que estaban moi ricas, e a pesar de que a maioría pensaba que non lles gustaría, repetiron !!!!!
 Marcelo decorou a súa coroa, regalámoslle os bicos e apretas que tanto lle gustan, e rematamos bailando a pesar de non ter o vídeo. Moitas felicidades Marcelo!!!!

Aniversario Marcelo

III DÍA DAS FAMILLIAS

Onte celebramos o final do curso coa graduación dos nenos e nenas de 6º de E.I. e de 6º de E.P. E, logo, vimos uns vídeos do traballo do PDI "Pintamos moito" e logo estreamos o vídeo da canción composta polo alumnado e música da profe Patricia. E, finalmente, subimos a merendar e a celebrar o III día das familias.

Para todas as fotos pinchade no seguinte enlace III DÍA DAS FAMILIAS

XORNADA SOBRE RODAS

Onte celebramos as II Xornadas sobre Rodas no pavillón. Rodamos seguindo as sinais do circuíto e pasámolo moi ben!!!

Para ver as fotos de infantil premer no seguinte enlace:


https://photos.app.goo.gl/PmxyhNh7cudyY16MA

GYMKANA

O venres pasado , o alumnado de infantil realizamos una Gymkana. O capitán Milladoiro deixouno seis tesouros agochados, e para conseguir o mapa que nos diría onde atopalos , tivemos que realizar seis probas. Creamos 6 grupos de participantes, cada un dunha cor, e xogamos a un memory mariño, encestar na rede, cruzamos unha ponte, fixemos un barco co tangram, pasamos un circuito ata chegar ó barco do Capitán Milladoiro, e pescamos o globo. Ó rematar cada proba conseguimos cada peza do noso mapa, e descubrimos onde atopar o tesouro, así que mans á obra... Cada grupo percorreu o colexio buscando o cofre,e descubrimos que había un pergamino do Capitán e unhas chuches!!!!


PASÁMOLO EN GRANDE!!!!!


https://photos.app.goo.gl/AvvBrRQC2N5o6yRS8

CUMPLEANOS DE LUCAS (6º E.I.)

Rematamos os cumpleanos deste ano con Lucas que tamén cumple no verán e o fixemos por todo o alto, xa que ademais de que a súa nai nos contara un conto sobre diferentes países do mundo, que nos serviu para repasar cousas do noso proxecto, tamén tróuxonos uns riquísimos xeados. Soamente esperar que se repitan moitos mais cumpleanos literarios.

MAKER SPACE (6º E.I.)

Nestes últimos días estivemos realizando todas aquelas actividades que ao longo do curso non nos deu tempo, entres elas a exploración dos novos materiais da biblioteca que formarán parte para ao ano que ven do novo espazo do centro, o "maker space". O material que empregamos foi diversos xogos de construción que nos permite traballar as nosas habilidades manipulativas, creativas... como por exemplo os legos, bunchems, construción con palliñas, pezas de madeira... podedes ver todas as fotos premendo no seguinte enlace: maker space.

EXPERIMENTO: A TINTA INVISIBLE (5º E.I.)

Hoxe estivemos practicando o experimento que nos tocou facer na I feira da ciencia e tecnoloxía que celebraremos o luns no cole. Xa que temos que explicarllo os outros nenos e nenas da escola.
O noso experimento consiste  en escribir con tinta invisible de limón e unha vez seca ver o que escribimos ou debuxamos. Foi moi divertido ver que intentabamos escribir o noso nome ou debuxar persoas, casas, e, incluso figuras xeométricas, xa que unha vez exposta a unha fonte de calor puidemos ver o que fixemos.

FIN DO PROXECTO DO MUNDO (6º E.I.)

Chegamos casi o fin do trimestre e tamén o fin do noso proxecto polo mundo, foron moitos os países que visitamos e as cousas que aprendimos, así que a nosa mochila vai cargadiña de coñecementos. Para repasar cada un destes lugares situamos nun mapa do mundo con pegatinas os lugares que fumos que xa nos serviu de portada e ademais no noso panel de palabras segredas tiñamos unha foto dun sitio distino, onde tiñamos que decir o país no que estaba, o continente, o idioma que falaban alí e outra curiosidade mais que souperamos de ese país. Ademais, voltamos co noso barco para casa que tamén xa era hora. Podedes ver todas as fotos premendo no seguinte enlace: proxecto mundo.

VISITAMOS O COLE (6º E.I.)

Onte visitamos os diferentes espazos do centro onde hai exposicións, en concreto o Museo de mar, onde atopamos moitísimos obxectos que trouxeron as familias e os mestres descubrindo dende un colmillo de cachalote, un oso de balea, diferentes crustáceos, cartas de navegación, aparellos para pescar... e tamén subimos a segunda planta para ver as maquetas que realizaron os nenos e nenas de 6º de Educación Primaria, algunha gustounos moito como o campo de fútbol e a discoteca Milladoiro. Podedes ver todas as fotos premendo no seguinte enlace: visitas.

ANIVERSARIOS DE VERÁN (5º E.I.)

Hoxe celebramos os aniversarios das nenas que naceron no verán.