Sesión de relaxación

 

Hoxe estivemos traballando a relaxación a través da postura de diferentes animais. O primeiro que fixemos foi adoptar a postura do ourizo cando se defende dun depredador e así estivemos escoitando un ratiño música clásica relaxante. Despois fixemos as posturas de varios animais a través do Ioga, tanto animais do bosque como animais acúaticos, premendo neles tedes o enlace aos vídeos de youtube por se queredes practicar na casa.

Finalmente estivemos traballando coa música de de Camille Saint- Säens, "El carnaval de los animales", como camiñan os diferentes animais: os cisnes, o canguro, os peixes... e, especialmente, as tartarugas que o fan moi despaciño.

APADÁN ( 5º EI )

Hoxe visitáronnos María e Ana da protectora de animais Apadán. Contáronnos cousas sobre o seu traballo, como recollen os cans abandonados, o tristes, cansados, medosos e enfermos que están cando os buscan e o felices que están despois, que necesidades teñen, vimos fotos de cans abandonados, un vídeo dos mesmos despois de estar acollidos por familias, como é o sitio de acollida...