Samaín (5º E.I.)

 Na clase de 5º de Educación Infantil esta semana  estivo dedicada á celebración do Samaín. Realizamos moitas actividades: cociñamos momias e pantasmas, xogamos ao bingo de cousas de samaín (que lles encantou), realizamos a nosa propia marioneta, tivemos o taller de decoración de cabazas coas familias, fumos á aula sensorial e lemos contos con lanternas, fixemos pócimas de bruxas, rescatamos insectos pringosos... podedes ver todas as fotos premendo no seguinte enlace: samaín.

Tamén participamos na Semana de Lecturas Terroríficas organizadas pola equipo de Biblioteca, coa interpretación do conto Loboferoz, podedes ver o vídeo premendo na imaxe.

Taller de cabazas (lectura e familias)

 Hoxe levamos a cabo un taller de decoración de cabazas, gracias a colaboración de todas as familias dos nenos e nenas de Educación Infantil. Pasamos unha xornada super creativa onde puideron pintar as cabazas, decoralas con plumas, teas, lazos, arañas... Esta actividade enmárcase dentro do programa de Lectura e familias da Consellería de Educación e Ordenación Universitaria. Podedes ver todas as fotos da xornada premendo no seguinte enlace: taller de cabazas.

Excursión MUNCYT

 O pasado martes as clases de 5º e 6º de Educación Infantil realizamos unha excursión A Coruña, ao MUNCYT (Museo de Ciencia e Tecnoloxía). Cando chegamos xa nos quedamos sorprendidos coa avioneta da entrada e despois realizamos un taller para elaborar o noso propio helicóptero que despois lanzamos dende a última planta. Gustounos moito o museo e podedes ver todas as fotos premendo no seguinte enlace: MUNCYT.

Barro (5º E.I.)

 Aproveitando que os nosos compañeiros/as de primaria foron visitar o Eco-museo Forno do Forte de Buño e trouxeron barro que lles sobrara, fixemos as nosas propias creacións de barro, que ademais pintamos e nos quedaron moi bonitas. Podedes ver todas as fotos premendo no seguinte enlace: barro.

" Y si le ponemos un bigote?" (5º E.I.)

 Esta semana estivemos traballando o esquema corporal a través do conto " Y si le ponemos un bigote?". Aprendimos a canción que é moi pegadiza, debuxamos o noso corpo, coloreamos o monigote e tamén lle puxemos nome, Pepe, realizamos varios xogos interactivos e, finalmente, creamos o noso propio monigote con recortes de folletos de comida. Podedes ver todas as fotos premendo no seguinte enlace: monigote.

Inicio de curso (5º E.I.)

 Comezamos este novo curso, sendo o protagonista deste ano o Lobo Lupo, polo que deixamos por aquí algunhas das actividades que fixemos nestes primeiros días, xa que temos nova asemblea, novas cancións, bailes, novos materiais na zona de traballo (como o teléfono que está sendo todo un éxito)... Podedes ver todas as fotos destes primeiros días premendo no seguinte enlace: inicio de curso.

Benvidos ao curso 2026/27 (5º E.I.)

 Xa estamos de volta, coas pilas recargadas e comezamos un novo curso e unha nova aventura da man do Lobo Lupo. O primeiro que facemos polas mañás, despois da entrada relaxada e de poñer o mandilón é a ASAMBLEA e por aquí vos deixo a parte interactica que imos usar na clase para que practiquedes tamén na casa.