27.6.24

4ºEI- ACTIVIDADES NO NOSO PRIMEIRO ANO NO COLE !

 Xa rematou este primero curso no cole, que rápido pasa, verdade? Podemos describilo con palabras como: adaptación, amizade, aprendizaxe, descubrimento, motivación, alegría,...

Realizamos moitas e diversas actividades. Coñecimos as letras e os números, aprendemos a compartir e creamos amizades, xogamos moito no Leolab, vemos contos,... pero sobre todo fumos moi felices este curso escolar, que é o verdaderamente importante.

Pasade un marabilloso verán e a descansar para cargar a pilar xa que... 

NOS VEMOS EN SETEMBRO CON MÁIS AVENTURAS DESTES CATIVIÑOS! 





   Preme na imaxe para acceder á galería

14.6.24

4ºEI- ANIVERSARIO XUÑO... TAMÉN LECTORES!

 Hoxe celebramos o aniversario de Iván. 

Sempre nos fai moita ilusión cando un compañeiro está de cumple: comer tarta, cantarlle, bailar,... e sobre todo que un familiar nos conte un conto.

Moitas grazas a familia de Iván por facer este momento posible. Parabéns Iván!🎉


Preme na imaxe para acceder á galería



 

13.6.24

SAÍDA AO PARQUE ATENEA (ARTEIXO)

A estes cativiños lles encanta o parque e este é moi fermoso e con moitas posibilidades. 
Columpiarse, correr, trepar, tirarse pola tirolina,... e como non.. repoñer formas con unha boa merenda. 

Foi un día moi divertido! Se queredes velo, premede na imaxe.

11.6.24

XOGOS NA PRAIA (PVAD) educación infantil

O pasado luns 10 de xuño, o alumnado de educación infantil baixou a praia de Canido a facer unha xornada de xogos na praia. Esta actividade encádrase dentro do Plan Proxecta + PVAD (proxecto de vida activa e deportiva). Foi unha xornada de deporte e diversión onde os pequenos e pequenas pasárono en grande e que de seguro repetiremos o vindeiro curso.  

    

       acceso á galería de imaxes premendo sobre a seguinte 👇   

            


7.6.24

4º e 5º EI. "MAR DE FÁBULA" EN CAMELLE

Polo Día do Medio Ambiente os cativiños de 4º e 5º de infantil fixemos unha saída a Camelle.  Relizamos diferentes actividades medioambientais dirixidas por "Mar de Fábula".

Se queredes ver o ben que o pasaron, preme na imaxe.



4.6.24

GRÚFALO E A NATUREZA

 A estes cativiños lles encanta os contos e tamén a natureza.

Hoxe mesturamos as dúas cousas co contacontos "Grúfalo e a natureza" no parque "Luciano García Alén" de Buño. Merendamos todos xuntos e xogamos no parque. Que mañá máis divertida!

Para ver o ben que o pasamos preme la imaxe. 



17.5.24

AS PERIPECIAS DOS "AVENTUREIR@S DO MILLADOIRO"

Estes cativiños teñen moitas ganas de aventuras... Estar sempre na casa, cole e parque non é suficiente para toda esta curiosidade.

Por iso no entroido decidiron ir de exploradores, para indagar nas cousas marabillosas que ten a natureza e tamén... vivir unha arriscada aventura!

Con motivo da celebración das Letras Galegas tedes este marabilloso video con as súas peripecias. Queredes ver todo o que aconteceu neste viaxe ao bosque? Non o ides a crer! 

VI Concurso de Podcasts-Radio na biblio

Premio VI Concurso Podcasts-Radio na biblio

Estamos en hora boa, o podcast de 6º de educación infantil resultou premiado no VI Concurso de Podcasts-Radio na biblio cunha produción propia a modo de concurso que percorre a biografía de Luísa Villalta e co acompañamento do acordeón de Suso Moreira.

O podcast será difundido na páxina web da Radio Galega e na plataforma dixital A Galega Audio e a asignación do premio (1.250 €) será destinada, tal e como recolle a convocatoria do concurso, a melloras no laboratorio de radio ou actividades relacionadas co seu funcionamento, sempre vinculado á biblioteca do centro. Escoitade con atención se a Luísa Villalta queredes coñecer e ata podedes probar, a ver se sodes quen de respostar:


Acceso a memoria do proxecto facendo clic 👉 MEMORIA ¨XOGANDO CON VIOLINOS¨

16.5.24

6º EI_ LETRAS GALEGAS: LUÍSA VILLALTA

O Día das Letras Galegas no presente ano está adicado a Luísa Villalta e dende a aula de 6º de Educación Infantil estivemos traballando a figura desta escritora.                                                                   
Traballamos sobre aspectos da súa vida, as súas obras e a implicación social que deixou demostrada no gran activismo que exerceu na busca la liberdade e a igualdade así como a colaboración do movemento NUNCA MÁIS ou o NON A GUERRA de Palestina.

Creamos uns marcapáxinas de Luísa Villalta e preparamos un concurso que presentamos en directo no centro cívico co gallo do FESTIVAL DAS LETRAS, baseado no podcast que presentamos ao VI Concurso de Podcasts Radio na Biblio e que resultou premiado!


FELIZ DÍA DAS LETRAS GALEGAS A TODOS E TODAS!

23.4.24

LECTURA... NA RÚA! E PICNIC SAUDABLE.

Para celebrar o Día do Libro, non se nos ocorre unha mellor idea que ler na nosa praia, na praia de Malpica.

Pasamos un día marabilloso preparando o noso picnic saudable (brochetas de froitas e mini sándwiches), para despois merendar rodeados de todos os nosos amigos e amigas e, finalmente, ler un conto todos xuntos.

Se queredes ver as fotografías, pulsade na imaxe de abaixo.




19.4.24

4ºEI- A PLANTAR !

Xa é primavera! Así que este marabilloso día cheo de sol e perfecto para... plantar!

Coñecimos as sementes de Caléndula, e plantamos cada unha a súa. Agora están na aula para poder coidalas e regalas, observar como van medrando e trasplantarlas cando sexa necesario. 

Se queredes ver a estos magníficos xardineiros, premede na imaxe.




 

16.4.24

4º EI- ANIVERSARIOS ABRIL...TAMÉN LECTORES!

 Este mes de abril celebramos o aniversario de Nerea. Como xa é costume na nosa clase o día antes facemos a tarta de cumple. 

Nos fai moita ilusión cando algún compañeiro/a está de cumple, bailamos moito , comemos a tarta e nos emociona que veñan as familias a contar o conto.

Moitas gracias a familia de Nerea por facer isto posible. Parabéns! 🎉



Preme na imaxe para acceder á galería


22.3.24

4ºEI- PDI: O NOSO CORPO

 O Proxecto Documental Integrado (PDI)  deste ano do noso centro escolar é " Medicus curat, natura sanat". Así que estes cativiños de 3 anos traballaron estos dous primeiros trimestres o noso corpo, tanto por dentro como por fóra.

O terceiro trimestre traballaremos o seu coidado e as profesións máis significativas que nos axudan a curalo.

Queredes ver todo o que aprenderon estes meses e todos os xogos que fixemos? Preme na imaxe!



21.3.24

4ºEI- O NOSO NOME

Estes cativiños comezan a coñecer as letras a través do seu nome. Non hai nada máis significativo que iso! 

Podemos ver o noso nome e o dos nosos compañerios/as en moitos recunchos da aula. Sempre vemos quen vai a ser o encargado, quen veu o cole e os que quedaron na casa... 

Ademais de todo iso, traballamos o nome de moitas maneiras diferentes: Atopando as letras que temos e colocándo o nome asociándolo coas letras de lixa, repasándoo con rotulador, poñendo pinzas de letras no noso nome, facendo un chaveiro con sellos...

Agora cada día teñen máis e máis curiosidade polas letras e nomes dos seus amigos e amigas, así que isto é o comezo de todo.




Preme na imaxe para acceder á galería



20.3.24

4ºEI- O NOSO PRIMEIRO INVERNO NO COLE.

 Este inverno foi o primeiro no cole e... como puido chover tanto e facer tanto frio? 

Arredor desta estación traballamos un montón de cousas: números, puzle, motricidade fina, coidado do corpo, vogais, características desta estación,... 

Podedes ver, premendo na imaxe, algunhas das actividades centradas nesta fria estación.






8.3.24

6ºEI_Entrevista fantástica: Laura Vilanova

Presentamos o vídeo-entrevista fantástica a Laura Vilanova Gantes, amiga pediatra.

A vindeira semana presentarémolo na biblio co gallo da Semana da Muller 2024, esperemos que vos guste.

E aquí vos deixamos o podcast que gravamos en Radio Balea:

Feliz Día da Muller!

5ºEI_Entrevista fantástica: Isabel Barreto

Celebramos o Día da Muller cunha entrevista fantástica á primeira Muller almiranta do mar: Isabel Barreto.

As nenas dan voz a Isabel e os nenos fan de entrevistadores, un vídeo que presentaremos a vindeira semana na nosa biblio: Semana da Muller 2024.

Aquí vos deixamos o podcast gravado en Radio Balea:

Feliz Día da Muller!

4ºEI- DÍA INTERNACIONAL DA MULLER: MARIE CURIE.

Hoxe, día 8 de marzo, festexamos o día internacional da muller. Este ano 2024 todo o centro realizou na radio "Entrevistas fantásticas".

Nos eliximos a Marie Curie. Nesta entrevista temos dúas respostas fantásticas, polo tanto non son verdade. Seredes capades de atopalas? Para iso temos que estar moi atentos/as ao podcast!

No sitio de Radio Balea podedes escoitar ás entrevistas que realizaron os demáis compañeiros/as a ver si tamén atopades as respostas fantásticas. 

 

Aquí vos deixamos o podcast gravado entre todas e todos:

5.3.24

4ºEI- ANIVERSARIOS MARZO... TAMÉN LECTORES !

Neste mes de marzo celebramos o aniversario de Vega. Neste caso elixiu tanto unha tarta de mazá como o conto "O coelliño branco". 
Moitas grazas a familia de Vega por facer posible este momento.

Parabéns Vega! 🎉




Preme na imaxe para acceder á galería





23.2.24

4ºEI- CALIGRAMA DÍA DE ROSALÍA.

 O 23 de febreiro conmemoramos o día de Rosalía. Despois de coñecer un pouquiño quen era Rosalía, cada clase creou o seu caligrama natural partido do libro "O herbario de Rosalía".

Gustounos moito tanto rasgar como pegar o papel e tamén recoñecer as vogais para poner encima os sellos. 

Así de bonito quedou o noso. Se queres ver como foi o proceso, preme na foto. 





18.2.24

4º EI- ANIVERSARIOS FEBREIRO... TAMÉN LECTORES !

 Este mes de febreiro celebramos o aniversario de Alba, a primeira destes cativiños en cumplir 4 anos. Ela mesma decidiu que a tarta fora de vainilla. 

O xoves fumos a cociña e o venres celebración! Moitas grazas a súa nai por vir contar o conto que Alba quería polo ser aniversario. 

Parabéns Alba! 🎉



Para acceder á galería preme na imaxe

14.2.24

ENTROIDO DOS CATIVIÑOS

Estes cativiños o pasaron xenial neste Entroido!🎉
O xoves o disfraz libre todos xuntos na merenda de infantil e o venres co desfile todos de... Aventureiros do Milladoiro!
Daros a grazas a todas as familias pola colaboración nos postres de entroido, sin vos esta merenda e festa non sería posible 😊



Para ver a galería pincha na imaxe

30.1.24

4ºEI- ACRÓSTICOS PACÍFICOS

Aínda que a Paz se traballa na aula todos os días, tal día como hoxe, conmemoramos o Día da Paz. Todo o centro realizou un acróstico pacífico a partir dun libro.
Nos escollimos: ¡De aquí no pasa nadie!
Primeiro sacamos a palabra máis significativa do conto, e a partir de ela dicimos que cousas nos traen paz. 
Despois cada un colocou unhas vogais con sellos. Por último, na biblioteca leimos o noso acróstico a todos os cursos. 
Este é o noso precioso acróstico. Se queredes ver a súa elaboración e lectura, premede na foto.