Taller de flores

 O pasado xoves o alumnado de 3 e 4 anos acudiron a cociña a realizar un taller de flores, organizado pola profe en prácticas Lara. Desfrutaron cos trasvases, tenguindo a auga, colando as flores, dándolles diferentes olores...podedes ver todas as fotos premendo na seguinte imaxe.

PERCORRENDO GALICIA : FACENDO NEVE ( 6º EI)

   Na volta de Semana Santa comezamos un novo proxecto: Percorrendo Galicia, enmarcado dentro do noso PDI: Nós...Patrimonio inmaterial!

Para comezar  pedimos a colaboración das familias solicitando que trouxeran ó cole imaxes e fotos dos peques en distintos lugares de Galicia. 

Hoxe viaxamos ata O Cebreiro da man de Lucas, que nos explicou cousiñas dese lugar e o ubicamos no noso mapa de Galicia. Posto que moitos nenos e nenas non tocaran a neve decidimos realizar un experimento!

Así, en dous grandes grupos, visitamos a cociña onde se atoparon dúas opcións para a creación da neve, cada unha coas súas instrucións , unha mesturando dúas partes de bicarbonato e unha de auga e a opción de mesturar 1 parte de maicena con dúas de espuma de afeitado de cor azul. Cando remataron de facer a súa mestura escolleron e botaron purpurina azul ou branco, e rematamos xuntando a neve en dúas caixas, segundo a mestura, para amasar un ratiño máis. Mestres non se estropee, esa neve formará parte da aula multisensorial.

Premer na imaxe para acceder á galería

Mes da Ciencia en Galego nas Bibliotecas ( 6º EI)

Novembro configúrase como o Mes da Ciencia en Galego nas Bibliotecas, por iso no noso centro organizamos varias sesións nas que o alumnado do 2º e 3º ciclo de Educación Primaria desenvolveron o método científico para expoñer ó alumnado de infantil e 1º ciclo os seus experimentos.

Na aula de 6º EI, recibimos a formación do alumnado de 5º EP, polo que hoxe no Leolab disfrutamos de tres experimentos relacionados co noso Proxecto sobre a Prehistoria:

- Pinturas rupestres: utilizando a mestura de café e auga envellecemos papeis, e representamos sobre as mostras xa secas, pinturas rupestres.

- O lume de cores: nesta ocasión observamos a diferenza de cores entre o lume provocado con alcohol e o de acetona.

- Volcáns: mesturando xabrón, vinagre, un pouco de auga, colorante vermello e bicarbonato representamos a lava dun volcán.

Premer na imaxe para acceder á galería

MOITAS GRAZAS Ó ALUMNADO DE 5º EP, POLAS SÚAS EXPLICACIÓNS E ESTA GRANDE ACTIVIDADE!!!! 

EXPERIMENTO DO PAN ( 6º EI)

Hai moitos meses atrás, realizamos o experimento do pan, collendo 3 mostras que tratamos de distinta forma. Un trozo de pan gardado nunha bolsiña sen tocalo, utilizando unhas pinzas, outro tocámolo coas mans limpas y o último coas mans sucias. Cando quixemos comprobar pasado un par de meses como estaban as mostras, apreciamos algún cambio, pero nada significativo.
Agora pasados máis de 6 meses de aquel experimento xa temos as evidencias para ver a importancia de lavar as mans.

1º GRUPO LABORATORIO PEQUECIENCIAS

Pasou o primeiro grupo de Educación Infantil e 1º ciclo de Educación Primaria polo Laboratorio de Pequeciencias e aquí tedes un pequeno vídeo resumo onde recolle as diferentes actividades que realizamos. Comenzamos identificando os elementos cos que íbamos traballar, realizamos mesturas con auga para distinguir as mesturas homoxéneas e hetereoxéneas e experimentamos libremente (a parte que máis lle gustou). A seguinte sesión estivo adicada a realización de experimentos baseados nas mesturas, as reaccións químicas e os cambios da materia e, por último, fixemos un repaso de todo o aprendido e probamos as piruletas de azucre que se cristalizaran dende a primeira sesión.

EXPERIMENTO: A TINTA INVISIBLE (5º E.I.)

Hoxe estivemos practicando o experimento que nos tocou facer na I feira da ciencia e tecnoloxía que celebraremos o luns no cole. Xa que temos que explicarllo os outros nenos e nenas da escola.
O noso experimento consiste  en escribir con tinta invisible de limón e unha vez seca ver o que escribimos ou debuxamos. Foi moi divertido ver que intentabamos escribir o noso nome ou debuxar persoas, casas, e, incluso figuras xeométricas, xa que unha vez exposta a unha fonte de calor puidemos ver o que fixemos.

ESTADOS DA AUGA (5º E.I.)

Esta semana levamos a cabo o experimento dos estados da auga. Empregamos como fío conductor as visitas en Arxentina ao glaciar Perito Moreno e ás cataratas de Iguazú. Trouxen a clase cubos de xeo, os cales observamos e tocamos, e os deixamos nun escurridor para ir vendo como se derretían. Cando chegamos o día seguinte non había xeo, era todo auga. De xeito, que primeiro coñecimos os estados sólido da auga e logo o líquido. E, para ver o estado gaseoso, fomos á cociña  botar a auga nun medidor e logo quentámola, para ver o vapor de auga. Tamén aprendemos que despois de ferver a auga, a cantidade que tiñamos, era menor.
Ao final, aprendimos, que o Perito Moreno está conxelado, polo que é auga en estado sólido, que as cataratas de Iguazú é auga en estado líquido, e, que o mar no que podemos facer surf, tamén é auga líquida. E cando temos nubes ou neboa, é auga en estado gaseoso.

MÉTODO CIENTÍFICO: A FLOTACIÓN ( 4º EI )

A semana pasada iniciámonos no método científico. Comezamos plantexando unha hipótese: que pasará se metemos os barquiños de plastilina e noces que trouxo Juan en auga? Ante diversas respostas, decidimos comprobalo. Os barcos afundiron, así que metemos un barquiño de plástico, que pasará? Flota. Chegamos á conclusión de que os barquiños de Juan afundiron por que eran pequenos e o barco de plástico non por ser máis grande. Comprobamos a nosa teoría con bolas de pastilina e uns bonecos de animais mariños de Saúl. Despois de probar, falar, plantexar hipóteses e comprobalas, chegamos á conclusión de que as cousas grandes flotan e as pequenas non.

Posto que esta teoría é o resultado da nosa experiencia, non saben que non é certa, polo tanto continuaremos facendo experiencias que nos leven a entender, dentro das nosas posibilidades, o fenómeno da FLOTACIÓN!!

EXPERIMENTOS CON AUGA (6ª E.I.)

Estas semanas tivemos unhas sesión "intensivas" de experimentos coa AUGA. Comezamos  descubrindo ca razón pola que se desfai (dilúe) o colacao máis rápido no leite ou na auga quente é porque existen unhas partículas que forman os líquidos chamadas MOLÉCULAS e se están frías móvense moi amodo pero cando están quentes móvense rápido, como a "tolas" e por iso dilúense moi pronto.

No segundo dos experimentos descubrimos que a auga nun vaso transparente funciona igual cunha lupa. Aumenta as cousas que se introducen no vaso e incluso semella que as cambia ou as rompe (lapis).

O terceiro experimento partía dunha afirmación realizada por un dos alumnos: "O meu avó díxome que o mellor para apagar o lume é non botarlle aire". Comprobamos que esta afrimación e totalmente verificable. Cun chisqueiro acendemos unha candea e tapámola cun vaso. En poucos segundos a chama apagouse pois quedou sen osíxeno dentro do vaso.

EXPERIMENTO CON DENSIDADES (6º E.I.)

Coa mestra Dora estivemos experimentando coas densidades, observando como unha mesma sustancia (azucre), engadida a auga en distintas proporcións fai que varíe a súa densidade. Collimos catro vasos de auga e a cada un deles botámoslle colorante para distinguilos e diferentes cantidades de azucre. Despois fumos botando os líquidos no vaso de tubo grande empezando polo que levaba máis azucre. Desta maneira non se mezcla e deposítanse en función da súa densidade, parecía maxia pero é ciencia. Para rematar empregamos distintas sustancias como o leite e o aceite para ver como reacionaban.

CORAZÓNS ENAMORADOS, CORAZÓNS CENTRIFUGADOS (5º E.I.)

Hoxe, Día dos namorados, aproveitamos para experimentar sobre a forza (a forza do amor). Para este experimento usamos un aparello que soemos ter nas cociñas e que empregamos para secar os alimentos. Primeiro descubrimos como, de verdade, se metemos un alimento mollado neste aparello logo sae seco.

Despois introducimos uns corazonciños de cores e unhas gotiñas de pitura e... xira que xira, volta que volta, forte moi forte os nosos corazonciños PERDERON O NORTE.

corazóns - Kizoa Editar Videos - Movie Maker

O NARIZ DE TITO NA CAIXA DE LUZ (5º E.I.)

Para rematar con Tito e coas figuras xeométricas, o pasado venres estivemos experimentando como poden ser os obxectos según deixen pasar a luz ou non e para iso empregamos as figuras xeométricas coas que levamos traballando toda a semana. As luces proviñan dunha lanterna e tamén da "caixa de luz".

Descubrimos que hai obxectos OPACOS como as partes do corpo, o cartón groso... logo descubrimos que tamén outros obxectos deixan pasar a luz e, polo tanto, son TRANSLÚCIDOS como o plástico fino, o papel celofán de cores...

E, por último, atopamos obxectos que ademais de deixar pasar a luz tamén pódense ver a través deles, son TRANSPARENTES como o celofán sen cor, os vasos de cristal... podedes ver todas as fotos deste fabulosos experimente premendo no seguinte enlace: Figuras xeométricas na luz.

EXPERIMENTO FORZUDO (5º E.I.)

Traballando os forzudos do circo quixemos facer un experimento que implicara a forza e a resistencia, neste casa duns ovos. Comprobamos como resistía diferentes obxectos enriba deles e como nos eramos incapaces de rompelos. Podedes ver todas as fotos no seguinte enlace: experimento forzudo.

EXPERIMENTO FANTASMAL

noviembre 17, 2016 from bemilladoiro on Vimeo.