ESCAPISMO: "EN BUSCA DA PAZ"

 

Escapismo: En Busca da Paz - Kizoa Movie Maker

Para celebración do Día da Paz, realizamos a proposta de escapismo " En busca da Paz" realizada polo Equipo de Imaxe, na que a través de diferentes probas tivemos que axudar á Serea Leo a atopar a un home malpicán que marchou en busca dunha vida mellor e que fixo grandes aportación á nosa vila, utilizando algúns dos recursos da nosa biblioteca creativa: códigos Qr, mesa de luz, código numérico no portátil, luz ultravioleta, placa microbit...

Durante este escapismo descubrimos que a persoa que buscaba a Serea Leo era Anselmo Villar Amigo e que emigrou a Arxentina.

Premer na imaxe para acceder á galería de imaxes

Descubrimos que fixo aportacións económicas importantes para mellorar as infraestructuras de Malpica: unha fonte coa primeira traida de auga da vila, un mercado que despois converteuse na 1º escola pública e agora é o Concello, unha rampla e un murallón no noso porto.  

Decidimos entón visitar a nosa vila, parándonos a observar con detalle, sorprendéndonos de que na fonte está o busto de Anselmo Villar Amigo.

FOTOS DA SAÍDA

O produto final da nosa investigación é o seguinte, esperamos que vos guste:

LABORATORIO DOCUMENTAL: Contos valorados, lecturas compartidas ( 4º EI)

 Neste mes de xaneiro, todo o cole levamos a cabo o Laboratorio Documental, actividades deseñadas polo equipo de Biblioteca e dinamización da Lingua Galega.

O obxectivo deste laboratorio era realizar unha formación de usuarios na biblioteca escolar creativa, de forma que o alumnado tivera que buscar libros ou contos nos que se traballasen valores propios da celebración do Día da Paz.

 No caso de infantil, a nosa formación de usuarios xirou ó redor da busca de tesouros na biblioteca para recoñecer distintos espazos dentro da mesma. Nesta actividade atopamos o libro Hasta que podamos Abrazarnos, conto no que traballamos o amor e a amizade.

A partir deste conto realizamos varias actividades que podedes ver en entradas publicadas anteriormente.

Outro dos obxectivos deste laboratorio, era realizar lecturas compartidas a través do blog, xa que este curso non podemos realizar actividades conxuntas para a celebración do Día da Paz. Ademais, realizamos unha exposición dos contos traballados, incluíndo o valor que se transmite no mesmo e un código Qr que enlaza ás producións finais, as lecturas compartidas.

Aquí tedes a nosa lectura, esperamos que vos guste tanto como a nós:

Laboratorio Documental: Día da Paz from bemilladoiro on Vimeo.

Instrumentos musicais ( 4º EI)

 Dende a volta das vacacións do Nadal , estamos traballando co conto " Hasta que podamos abrazarnos". Neste conto, entre outras cousas, Ourizo e Tartaruga demóstranse canto se queren tocando unha canción con instrumentos.

Así pois, decidimos xogar con catro instrumentos musicais: maracas, triángulo, pandeireta e xilófono. Tras tocar libremente , tivemos que pintar o instrumento que soaba pero sen ver cal era. 

Pasáronno pipa!!!!

FOTOS

RADIO ESCOLAR ( 4ª EI )

Neste curso, o Día da Paz no cole, celebrouse partindo da idea de Unión de Pobos a través do Mar, polo que propúxose dende a Biblioteca Escolar o contacto con algún cole con cultura distinta á nosa. Na nosa clase viaxamos a Colombia, e posto que estamos no proceso de axudar a Serea Leo a coñecer os animais mariños, decidimos contactar con algún cole de Colombia para que colaborasen connosco no noso Proxecto de Investigación. Dende hai pouquiños días temos un novo espazo escolar, A Radio Balea ( nome escollido a través dunha votación na que participou todo o alumnado do centro), así que subimos toda a clase a este espazo, collimos os micros, probamos a facer gravacións, puxemos os cascos, respectamos o turno de palabra... Unha vez familiarizados coa Radio, utilizamos un podcast para contactar con El Jardín El Prado, unha escola infantil de Colombia. Aínda que todos participamos nas asembleas para ver que cousas queríamos preguntarlles , soamente subiron a facer o podcast Leo, Clara, Juan e Antía. Foi unha grande experiencia, así que iremos pasando todos pola Radio Balea. Deixo o podcast que enviamos!!!

DÍA DA PAZ 2018 (5º E.I.)

O martes 30 de xaneiro foi o día da paz e non violencia, para celebralo baixamos todo o colexio ao patio a cantar e bailar a canción  MENSAJES DEL AGUA de Macaco.
Cada neno e nena levaba unha gota de auga pintada por un lado de azul e polo otro como eles quixeron, de maneira que todas son diferentes pero iguais, como somos as persoas. Logo esas gotas de auga colgámolas no teito do cole, para que todos e todas poidamos velas.

DÍA DA PAZ (6º E.I.)

O martes 30 de xaneiro conmemoramos o Día da Paz e a Non Violencia no centro, para elo baixamos todos xuntos o patio e interpretamos a canción de Macaco Mensajes del agua, cada alumno e alumna levaba unha gota de auga que pintara a súa maneira para demostrar que todos somos diferentes e podemos navegar cara un mesmo lugar. Despois subimos a colgalas no corredor para poder cotemplar a dos nosos compañeiros. Para terminar a xornada estivemos na clase realizando diferentes xogos cooperativos. Podedes ver todas as imaxes da sesión premendo no seguinte enlace: Día da paz.