Onte no Leolab, realizamos unha actividade creativa para a creación de coroas de entroido. Cada peque tiña unha tira verde que podía decorar como quisexa cos materiais e ferramentas dispoñibles: tesoiras, pegamentos, pegatinas, iron fix, goma eva, cartolinas, plumas...
Pasáronno xenial e quedaron coroas moi chulas!!!!
Hoxe conmemoramos o Día de Rosalía de Castro, 23 de Febreiro, plantando un pensamento que era a súa flor favorita, tamén fixemos un marcapáxinas para regalarlle alguén da nosa familia e levamos un conto de agasallo da biblioteca. Podedes ver todas as fotos da xornada premendo no seguinte enlace: Rosalía de Castro.
Onte, como cada luns, despois do patio subimos á biblioteca a escoitar un conto. Nesta ocasión foi da man de Alma e Carmela de 6º EP, que leron o conto "Chofer de Sandías". Tras escoitar esta magnífica historia, repartiron a cada neno e nena un agasallo: unha sandía-coche coa súa foto e un debuxo dun animaliño.
Moitísimas grazas a Alma e Carmela polo seu esforzo en facer felices ós máis pequenos, animando á lectura de forma tan motivadora!!!
Os nenos e nenas de 4º E.I. xa comezamos a festexar o Entroido acudindo a cociña e realizando estes antifaces de hoxaldre que merendamos ao día seguinte botándolle sirope de fresa ou de chocolate. Podedes ver todas as imaxes premendo no seguinte enlace: Cociña de entroido.
Esta semana pensamos cal dos vehículos da clase gañaría nunha carreira. Así que colocamos máis de trinta transportes con rodas na asemblea e cada neno/a escolleu dous deles, os que creían que chegarían máis lonxe.
Despois, en dous grandes grupos, realizamos varias carreiras na aula de psicomotricidade, seleccionando en cada fase un gañador en cada unha delas.
Por último, chegamos á final con 6 vehículos, polo que toda a clase baixou a psicomotricidade para coñecer o resultado deste campionato.
Grazas a Álex, o conserxe, utilizamos unha rampa chulísima e fíxonos un podium para colocar ós vehículos gañadores.
FOI UNHA ACTIVIDADE DIVERTIDÍSIMA, E AGORA TEMOS UNHA RAMPA, UN PODIUM E UNHA BANDEIRA DE CARREIRAS PARA SEGUIR XOGANDO NO NOSO RECUNCHO!!!
Onte comezamos a celebrar o Entroido facendo Orellas na cociña.
Atopamos unha receita moi sinxela e os peques pasaronno xenial amasando o seu trociño e estirando co rodillo!!!
Ademais quedaron deliciosas!!!!!
Durante as últimas semanas pensamos en crear unha paisaxe para xogar no novo recuncho do proxecto, así que, entre todos, pintamos unha cartolina e creamos distintos vehículos para xogar!!!
A pasada semana comezamos a investigar se corren máis os coches de carreiras ou as motos de carreiras. Para iso fomos ó Leolab, onde na pantalla multitáctil, abrimos un teclado grande para que os peques de un en un, e coa axuda dos compañeir@s puideran ir escribindo as letras.
Comezamos buscando a icona de Internet, e decidindo cal era a pregunta a escribir no buscador. Neste caso descubrimos que os coches de carreiras corren 378km/h e as motos de carreiras 362km/h.
Esta semana comezaremos a investigar cal dos vehículos da clase corre máis!!!!
A pasada semana, un neno da clase fixo a seguinte afirmación:
Os coches de carreiras corren máis que as motos!
Ante esta situación, realizamos unha asemblea para saber a opinión dos demais e unha votación, pero en vez de estar todos de acordo foi todo o contrario, algúns dicían que corrían máis as motos, outros que as motos pero de carreiras e incluso dixeron que son máis veloces as lanchas motoras.
Ábrense novas cuestións:
Cal é máis veloz?
Cal é a velocidade máxima do vehículo máis rápido que existe?
Quen pode saber moito sobre este tema?
Agora temos que investigar e obter respostas!!!!
