AULA SENSORIAL POLO ENTROIDO (6º E.I.)

 O pasado martes o alumnado de 6º E.I. foi vivir o entroido a través dos diferentes sentidos na aula sensorial, realizando por grupos as seguintes actividades:

- Cos ollos tapados tiñan que poñerlle as diferentes partes da cara a un paiaso, seguindo as indicacións dos compañeiros e compañeiras

- Estreamos o chan de diferentes texturas e, cos pés sen calcetíns, tiñan que realizar un circuíto por este, dín que foi a actividade que máis lles gustou.

- Para o olfato xogaron ó memory, no que tiñan que unir cada olor coa froita correspondente.

- No proxector tiveron que colorear unha máscara de entroido.

- Na mesa de luz decoraron varias imaxes de entroido con elementos de cores translúcidos.

- Na cabana escura observaron e leron libros e contos, pero éstes eran especiais, xa que tiveron que utilizar as lanternas de luz ultravioleta para descubrir as cousas agachadas nas páxinas.

- Espazo chroma: creamos unha parte de gravación chroma onde utilizaron diversidade de disfraces e complementos para xogar nas diferentes paixases que aparecían na tablet.

- Na mesa sensorial, utilizando a ruleta con debuxos de entroido,  tiveron que buscar os obxectos agochados.

Foi unha sesión moi divertida e o pasaron en grande!!!

Premer na imaxe para acceder á galería

Monstro de Cores ( 4 EI)

Dende a pasada semana, a pesar de seguir co Proxecto do Bosque, comezamos a traballar as emocións de forma máis específica a través do conto: O Monstro de cores.

Ademais de ler este conto realizamos varias actividades:

- Utilizamos a ruleta das emocións. como me sinto eu?

- Recoñecemos emocións nos demais na Pantalla interactiva

- Separamos as emocións

-Emocións propias e alleas na mesa de luz

LABORATORIO DOCUMENTAL: Contos valorados, lecturas compartidas ( 4º EI)

 Neste mes de xaneiro, todo o cole levamos a cabo o Laboratorio Documental, actividades deseñadas polo equipo de Biblioteca e dinamización da Lingua Galega.

O obxectivo deste laboratorio era realizar unha formación de usuarios na biblioteca escolar creativa, de forma que o alumnado tivera que buscar libros ou contos nos que se traballasen valores propios da celebración do Día da Paz.

 No caso de infantil, a nosa formación de usuarios xirou ó redor da busca de tesouros na biblioteca para recoñecer distintos espazos dentro da mesma. Nesta actividade atopamos o libro Hasta que podamos Abrazarnos, conto no que traballamos o amor e a amizade.

A partir deste conto realizamos varias actividades que podedes ver en entradas publicadas anteriormente.

Outro dos obxectivos deste laboratorio, era realizar lecturas compartidas a través do blog, xa que este curso non podemos realizar actividades conxuntas para a celebración do Día da Paz. Ademais, realizamos unha exposición dos contos traballados, incluíndo o valor que se transmite no mesmo e un código Qr que enlaza ás producións finais, as lecturas compartidas.

Aquí tedes a nosa lectura, esperamos que vos guste tanto como a nós:

Laboratorio Documental: Día da Paz from bemilladoiro on Vimeo.

NOVO PROXECTO: O CORPO HUMANO ( 6º EI)

Esta semana, tras volver de clase de inglés, atopámonos cunhas cousas moi extrañas enriba da mesa de luz. Tras miralas, decatámonos de que eran ósos da espalda, e que esas cousas eran radiografías, que xa sabemos grazas a un libro que trouxo Valentina hai unhas semanas, que temos radiografías por que Marie Curie descubriu o Radio. Isto plantexou a dúbida de cantos ósos temos no corpo, así que fixemos estimacións, e como as cantidades eran moi dispares, decidimos investigar este asunto!!

            





                    

MESA DE LUZ ( 4º EI )

Utilizamos a mesa de luz como un recurso máis na hora de xogo para traballar o trazo de liñas curvas. Neste caso facemos oliñas sobre a mesa luz cuberta con lentellas.



https://photos.app.goo.gl/9sp19ptLwZfFwgbh1