EXPERIMENTAMOS E OBSERVAMOS CON 5 ANOS

Paz Andrade

No colexio de Santa Comba, prepararon este video coa vida de VALENTÍN PAZ ANDRADE que é o autor a quen se lle dedica este ano o Día das Letras. A min pareceume que vos había de gustar. Aquí volo deixo e xa me contaredes se acertei.

TALLER DA PRIMAVERA

O último taller que fixemos foi moi especial, xa que traballamos a simetría, fixemos debuxos da primavera e creamos unha maceta con forma de cara. E xa comezamos a ver como lle nace o pelo (as primeiras herbas). Foi moi divertido e aprendemos  a reutilizar materiais de refugallo. Por suposto, foi todo posible gracias a colaboración das nosas nais, foi estupendo!!

O DÍA DO LIBRO

Este día tan especial celebrámolo cos nosos amigos os libros. Os compañeiros/as de primaria foron os nosos padriños e os encargados de engatusarnos coa súa letura . Recordamos unha vez máis que ler é moi divertido e sobre todo, cantos máis...mellor!

De excurión ao ACUARIUM

Antes das vacacións de Semana Santa despedímonos o grande, fomos de excursión ao Acuarium!!

Alí poidemos ver distintas especies de peixes como o tiburón, as raias, os atúns, o peixe paiaso...entre outros moitos. Ademais aprendemos a recoñecer algúns mamíferos (que non son peixes) como as focas e as baleas. Estremecímonos no tacto dos ourizos e da estrela de mar e quedamos abraiados ao descubrir cómo os buzos alimentan os animais do acuarium. Finalmente vimos o planeta terra e escoitamos atentamente as explicacións da nosa guía. E cómo non! Comemos de camping e xogamos no parque. Isto sí que é divertirse!!

O XORNAL NA TELEVISIÓN

Creamos o noso propio TELEDIARIO na televisión, qué mellor forma hai de aprender os medios de comunicación?

Fixemos entrevistas, representamos distintos roles (cámara, actriz/actor, xornalista, presentador, meteorólogo/a). E todo isto baixo distintos decorados e con distintas e innovadoras novas. Qué ben o pasamos!!

APRENDEMOS CON 5 ANOS

Neste curso xa coñecemos ao avó de Manuel que nos fixo pensar nos cambios materiais e culturais que se deron dende a súa infancia. E vaia se hai diferencia, nós temos de todo!

Tamén ensinamos cada un de nós a profesión e o oficio dos nosos pais coa axuda dunha ferramenta, aprendemos a medir con distintas instrumentos e profundizamos nos novos coñecementos que se esconden detrás dos variados e divertidos rincóns da aula.

Con todo isto...non nos cansamos!!, e seguiremos aprendendo moito máis.