Proxecto os vehículos: Bucando información ( 5º EI)

 Hoxe, despois da asemblea, saíu o tema dos vehículos.

Se as pernas e pés son o 1º medio de transporte, cal foi o segundo?....

Pensamos, e deducimos que sería utilizar ós animais: vacas, xirafas, elefantes, burros... tamén que os animais tiraban dos carros e carretas, e que para as carretillas non necesitamos animais. Así que na hora de biblioteca buscamos na zona de libros de consulta libros sobre este tema, e atopamos libros sobre trens, globos aerostáticos, barcos...e dous moi interesantes, un sobre vehículos moi modernos con desplegables que decidimos que tiña que ir na mochila viaxeira por todas as casas e outro que trata o tema da evolución nos medios de transporte, así que...

EFECTIVAMENTE, OS ANIMAIS FORON O SEGUINTE VEHÍCULO PARA TRANSPORTAR MATERIAIS E PERSOAS!!!!

Tras ler os libros atopados, descubrimos que os animais que se utilizan nos carros e carretas son animais domésticos fortes e grandes: cabalos, vacas, bois, burros...

Despois desta investigación decidimos ir ó leolab, onde en tivemos que traballar cooperando en grupos de 4/5 nenos e nenas.

 Cada grupo tiña un "cesto", un animal, rodas, tornillos, lá e corda, e a maiores podían coller na mesa de material cantas boyas de redes precisaran para crear un carro tirado polo animal que lles tocou.

FOTOS