DOCE OU FALCATRUADA (4º-5º EI)

1º GRUPO LABORATORIO DE IMAXE ( INFANTIL E 1º CICLO PRIMARIA)

Xa finalizamos as tarefas co primeiro grupo de infantil e 1º ciclo de primaria, e foi unha experiencia moi divertida e dinámica , aprendendo en colaboración cos compañeiros/as para chegar a un fin común.
As actividades realizadas xiraron ó redor dun tema concreto: O rescate da Serea Leo, un xogo de pistas ou escapismo. A dinámica nas sesións foi a seguinte:

- 1º sesión: temos que rescatar a Leo, pero primeiro manipulamos candados de chaves e de números, lanternas de luz UV,  utilizamos a mesa de luz,  e utilizamos a Tablet para atopar imaxes de Realidade Aumentada agochadas na clase, non sen antes identificar o icono da aplicación.

- 2º sesión: visualizamos a mensaxe que deixa a Serea Leo e os piratas malvados. Dividimos a clase en dous grupos mixtos, uns fan o xogo con Ana nunha clase do 2º andar e outros fanno comigo, Marta, na aula de apoio de infantil; xa que para facer un xogo de este tipo é necesario grupos pequenos. Fixemos o xogo, todos atopamos á Serea Leo, e intercambiamos opinións sobre a experiencia.

ESCAPISMO

fotos


- 3º sesión: facemos unha asemblea sobre o que máis lles gustou, se cambiarían algo... despois fixemos un traballo de mesa no que tiñan que debuxar e escribir o que máis lles gustou e os materiais/elementos utilizados( candados, lanternas, chaves, caixas, mesa de luz...) Mentres uns traballaban ( os maiores axudaron ós máis pequenos), gravamos no chroma as nosas opinións.

ARTE TERRORÍFICA( 6º EI)

Esta semana estamos celebrando o Samaín, así que entre outras cousas, fixemos grafismo terrorífico. Decoramos un morcego, recortámolo, pegámolo nunha cartolina negra, e debuxamos repetidamente a súa silueta con tizas de cores molladas en auga. Crearon obras moi chulas!!

Posto que mañá, o ciclo de infantil e 1º ciclo de primaria, faremos a actividade Truco ou Trato, hoxe tivemos que facer un agasallo para o grupo que veña a visitarnos. Así que cando chegamos ó Leolab, atopamos unha mesa grande chea de materiais: paíños, teas, cartolinas, tesoiras de distintos tipos, goma eva, rolos de papel, papel de baño... e baixo a temática do medo, crearon agasallos terroríficos: vampiros, arañas, tumbas, momias, cabazas... e remataron explicando ós compis o seu traballo.
Pasáronno xenial desplegando toda a súa imaxinación e creatividade,


FOTOS: LEOLAB CREATIVO

É moi importante que ó longo da xornada haxa pequenos momentos de actividade, xa que os peques precisan moverse libremente e de forma case continua, así que aproveitando a temática do Samaín, tivemos dous momentos de baile na xornada de hoxe.

VÍDEOS: BAILAMOS DE MEDO

BICOS DE MÚSICA - Lecturas Terroríficas (4º/5º E.I.)

samain2019_bicosdemusica from bemilladoiro on Vimeo.

MAGOSTO 2019

O pasado venres celebramos todos xuntos o Magosto no centro. Mentras preparaban as castañas, vimos unha pelicula na biblioteca e cando xa estiveron listas baixamos a desgustas as deliciosas castañas o patio xunto cos compañeiros de primaria. Para ver todas as fotos podedes premer no seguinte enlace: Magosto.

BÚSQUEDA DO TESOURO EN BUÑO

O martes o ciclo de infantil e 1º ciclo de primaria fixemos unha actividade colaborativa na natureza, visitamos o parque de Buño onde hai grande cantidade de espazo natural.

Ó chegar explicamos o xogo: buscar na contorna unha serie de cousas (dúas follas distintas, sementes, paos, cousas ruidosas, suaves, rugosas, brandas, duras...) despois fixemos seis grupos mixtos, e cada grupo tiña a lista dos elementos para atopar, un rotulador para anotar, unha lupa, unha caixa con visor, unha bolsa e unha lanterna de luz UV.

 Tras facer o xogo, merendamos e rematamos a xornada xogando no parque. Pasámolo xenial e ademais utilizaremos os elementos naturais para facer un mural do outono e actividades artísticas nas aulas.

BÚSQUEDA DO TESOURO EN BUÑO

RADIO/COCIÑA (6ºEI)

O xoves  dividimos a clase en dous grupos, uns foron con Marta á Radio Balea, e outros con Sandra e Jonathan á cociña.
Na radio fixemos un pequeno podcast , en breves dispoñible, onde falamos sobre o Samaín e o medo, e na cociña dous bizcoitos de castañas. Todos os nenos fixeron ambas actividades e pasáronno en grande, cada vez son máis autónomos e comprenden mellor o funcionamento da radio.


COCIÑA

RADIO BALEA

ANIVERSARIO DE BREIXO ( 6ºEI)

A inicios de mes, Breixo cumpliu 5 anos!!!!!! Noelia, a súa nai, visitounos cargada de agasallos: trouxo dous libros de Pete el gato, que ademáis contou de forma que todos estaban súper atentos, tamén temperas con purpurina e unha pulseira co nome de cada un. Breixo a cambio levou un libro con debuxos dos seus compañeiros, e fixemos o cartel coas súas cualidades e características. Moitas felicidades Breixo!!


FOTOS ANIVERSARIO

1º GRUPO LABORATORIO PEQUECIENCIAS

Pasou o primeiro grupo de Educación Infantil e 1º ciclo de Educación Primaria polo Laboratorio de Pequeciencias e aquí tedes un pequeno vídeo resumo onde recolle as diferentes actividades que realizamos. Comenzamos identificando os elementos cos que íbamos traballar, realizamos mesturas con auga para distinguir as mesturas homoxéneas e hetereoxéneas e experimentamos libremente (a parte que máis lle gustou). A seguinte sesión estivo adicada a realización de experimentos baseados nas mesturas, as reaccións químicas e os cambios da materia e, por último, fixemos un repaso de todo o aprendido e probamos as piruletas de azucre que se cristalizaran dende a primeira sesión.

LEOLAB 3/4 ANOS

Os nenos e nenas de 3 e 4 anos tiveron hoxe unha sesión de Leolab onde compartiron xogos por grupos tan diferentes e imaxinativos como os lego, os strawebees, o mecano, as caixa de kapla, bunchers e os gears. Podedes ver mais fotos premendo no seguinte enlace: leolab.

ESMALTE DE UNLLAS ( 6ºEI)

Os lobishomes teñen unhas garras moi grandes, así que decidimos pintarlle as unllas. Unha actividade sinxela, que lles encantou!!!!

PINTAMOS AS GARRAS

SALTAMOS ( 6ºEI)

No corredor diante da nosa clase , temos un camiño con pisadas co que xogamos para traballar a lateralidade, deben colocar os pés de forma correcta, así que, ó principio, resultaba difícil, pero agora xa o teñen dominado, ademais cando rematan unha tarefa, e antes de pasar á seguinte, saen a saltar de forma que lles axuda a concentrarse e liberar un pouco de enerxía.

Lateralidade

LÓXICA-MATEMÁTICA NA ASEMBLEA (6ºEI)

Despois de facer as rutinas na asemblea, facemos xogos matemáticos.
Iniciámonos no uso da recta numérica para traballar o concepto de suma,marcando o número de nenos e nenas que hai cada día na clase, escollendo dúas pelotas con números para sumalos, e facemos bolitas de plastilina para contar coa recta numérica.

fotos


Tamén facemos series con paos e pedriñas do noso recuncho matemático:  series

RELAXACIÓN EN 5 ANOS

Na nosa clase de Educación Emocional sempre comenzamos relaxándonos e seguidamente facemos unha pequena sesión de yoga, nesta ocasión sobre as posturas dos animais do mar. Deixo o enlace do vídeo por se queredes practicar estas relaxantes posturas na casa.

LECTURAS NA BIBLIOTECA

O martes pasado Moisés e Pablo de 4º E.P. léronlle os máis pequenos "Con tango son tres", un libro precioso que tivo do máis atentos a todos.

MONSTROS (4º/5º E.I.)

Seguimos coa aventura monstruosa na clase de 3 e 4 anos e nesta ocasión fixeron uns maravillosos monstros con palliñas, ollos e tapóns. Podedes ver todas as fotos premendo no seguinte enlace: monstros.

XOGOS LÓXICA-MATEMÁTICA II (4º/5º E.I.)

Seguimos coas actividades de lóxica-matemática na clase de 3 e 4 anos, nesta ocasión estiveron compoñendo monstros libremente e despois coas directrices do dado, tantos brazos, ollos, pernas... como o dado nos mandaba. Ao mesmo tempo realizaban a actividade das pedriñas, debían colocalas sen coincidir dúas cores iguais. Para ver máis fotos premer no seguinte enlace: lóxico-matemática.

ESCORNABOT (4º/5º E.I.)

Hoxe os nenos de 3 anos e os novos de 4 anos coñeceron o funcionamento dos escornabots, gustáronlles moito porque tiñan que escoller un dos seus compañeiros/as e levar o escornabot ata a súa foto.

XOGOS DE LÓXICA-MATEMÁTICA (4º e 5º E.I.)

OS DENTES ( 6º EI)

Esta semana descubrimos que a Juan Luis faltábanlle 2 dentes!!

Falamos sobre por que os dentes de leite caen: por comer moitas chuches, para que veña a fada dos dentes, para que o rato Pérez traia agasallos...

Así que decidimos investigar este asunto: na biblioteca atopamos libros sobre o corpo humano, e descubrimos que os dentes definitivos están debaixo dos de leite e os empuxan. Tamén que temos 20 dentes de leite por que a nosa boca é pequena, pero cando medramos xa temos 28 pezas definitivas.

Tamén vimos un capítulo de Peppa Pig sobre este tema:

ANIVERSARIO DE GABRIEL ( 6º EI)

Onte foi o aniversario de Gabriel que xa cumpliu 5 anos!!

Na asemblea felicitámolo e describimos como é, despois escribimos as súas característica nunha folla rosa , onde el se debuxou e xa está na parede dos aniversarios!

O resto dos compañeiros fixeron un debuxo para facer o libro conxunto que Gabriel levou para casa como agasallo!!

O importante dos aniversarios é recibir o cariño e bos desexos dos demais.




Fotos aniversario

LOBISHOME ( 6º EI)

O noso recuncho xa está collendo forma, é unha temática que lles encanta!!! 

No Leolab fixeron Lobishomes utilizando os tangram e apoiandose en plantillas.

Losihomes leolab

Con plastilina fixemos lobishomes e temos unha pequena exposición na entrada de clase:

fotos lobishome de plastilina


Breixo e Leo trouxeron o mesmo conto, que está superchulo!!

Visualizamos un capítulo de Doraemon:

Aprendemos a canción do Lobo lober: