28.1.21

LABORATORIO DOCUMENTAL: Contos valorados, lecturas compartidas ( 4º EI)

 Neste mes de xaneiro, todo o cole levamos a cabo o Laboratorio Documental, actividades deseñadas polo equipo de Biblioteca e dinamización da Lingua Galega.

O obxectivo deste laboratorio era realizar unha formación de usuarios na biblioteca escolar creativa, de forma que o alumnado tivera que buscar libros ou contos nos que se traballasen valores propios da celebración do Día da Paz.

 No caso de infantil, a nosa formación de usuarios xirou ó redor da busca de tesouros na biblioteca para recoñecer distintos espazos dentro da mesma. Nesta actividade atopamos o libro Hasta que podamos Abrazarnos, conto no que traballamos o amor e a amizade.

A partir deste conto realizamos varias actividades que podedes ver en entradas publicadas anteriormente.

Outro dos obxectivos deste laboratorio, era realizar lecturas compartidas a través do blog, xa que este curso non podemos realizar actividades conxuntas para a celebración do Día da Paz. Ademais, realizamos unha exposición dos contos traballados, incluíndo o valor que se transmite no mesmo e un código Qr que enlaza ás producións finais, as lecturas compartidas.









Aquí tedes a nosa lectura, esperamos que vos guste tanto como a nós:


Laboratorio Documental: Día da Paz from bemilladoiro on Vimeo.

DÍA DA PAZ ( 4º EI)

 Para celebrar o Día da Paz realizamos varias actividades:

  • Participamos no Laboratorio Documental: Contos valorados, lecturas compartidas
  • Lectura do conto : Mamá, De qué color son los besos?
  • Manualidade: creamos un corazón coas 7 cores do Arco da Vella
  • Realización de varios Arcos da Vella
  • Cociñamos Magdalenas coas cores do Arco da Vella.
 MAGDALENAS
  • Realizamos experimentos cos cores do Arco da Vella



22.1.21

O número 1 na mesa de luz ( 4º EI)

 Esta semana recordamos o trazo do número 1 para iso ,desdobrando o grupo, xogamos na aula de pequeciencias coa mesa luz. Primeiro trazamos con rotuladores, despois fixemos o camiño do un con pedras de cores e rematamos poñendo pompóns utilizando unhas pinzas!!!







FOTOS

Instrumentos musicais ( 4º EI)

 Dende a volta das vacacións do Nadal , estamos traballando co conto " Hasta que podamos abrazarnos". Neste conto, entre outras cousas, Ourizo e Tartaruga demóstranse canto se queren tocando unha canción con instrumentos.

Así pois, decidimos xogar con catro instrumentos musicais: maracas, triángulo, pandeireta e xilófono. Tras tocar libremente , tivemos que pintar o instrumento que soaba pero sen ver cal era. 

Pasáronno pipa!!!!


FOTOS

ANIVERSARIOS 4º EI

 Esta semana celebramos catro aniversarios!!


O pasado domingo cumpliu Ángel, o martes Manuela e Mateo C. e hoxe Mateo F. Ó longo desta semana cada un fixo a súa coroa da cor escollida e os compañeiros/as , ademais de cantarlles, fixeron uns debuxiños para eles.

Posto que esta semana faltaron compañeiros/as a clase, queríamos que as cartolinas cos debuxos marcharan para as casas cando estiveran completas, pero os nosos/as peques tiñan tanta ilusión por levar o agasallo  que as levan así. Cando os compis volvan á clase, realizarán o debuxiño e os protas levarannos para casa.














Moitísimas felicidades , xa tedes 4 anos!!!!!!!



ANIVERSARIOS

21.1.21

Canción para a semana da paz "Apertas que voan" de Paco Nogueira

A próxima semana conmemoraremos a Semana da Paz coa interpretación de diferentes contos que xiran arredor desta temática, pero tamén faremos outras moitas cousas entre elas aprender a canción de Paco Nogueira "Apertas que voan". Deixámola no blogue para que podades practicala nas vosas casas.

13.1.21

Laboratorio Documental (4ºE.I.)

Comezamos este segundo trimestre meténdonos de cheo no traballo do laboratorio documental ao que está adicado este mes de Xaneiro. O primeiro que recibimos foi a visita da serea Leo que nos explicou que non soamente hai libros na biblioteca, se non que hai outros espazos como a cociña, o Leolab, os expositores do corredoiro... que tamén teñen libros e todos forman parta da biblioteca do centro.





Xa na biblioteca a serea Leo propúxonos un xogo moi interesante para coñecer os diferetes espazos que compoñen a biblioteca. Divididos por equipos convertémonos en investigadores e tíñamos que descifrar un mapa para encontrar o tesouro. O equipo amarelo tiña que atopar o seu agasallo na zona do escenario, o equipo azul no espazo adicado aos xogos de mesa, o equipo verde nas estaterías dos maiores e o equipo violeta na zona das películas.


Abrimos os catro agasallos na clase, o primeiro era o peluche dun ourizo, o segundo o peluche dunha tartaruga, o terceiro un arco da vella de madeira e o último o libro "Hasta que podamos abrazarnos". Canta ilusión nos deu recibir estes tesouros tan fermosos que xa forman parte do noso recuncho do proxecto, xa que aproveitaremos para traballar a conmemoración do Día da Paz a través deste libro. Podedes ver todas as fotos da xornada premendo no seguinte enlace: laboratorio documental.