Nadal 2025 (4º E.I.)

 Este é o primeiro Nadal que o alumnado de 3 anos vive no CEIP Milladoiro e foron moitas as actividades que realizamos estes días: fixemos neve, a carta aos reis magos, ioga de nadal, cociñamos biscoitos, fomos ao cine na biblioteca, leímos o conto "¿Cómo baja Papá Noel por la chimenea?, elaboramos moitos adornos para as nosas árbores, encendimos al luces, fixemos anxos en relixión e bonecos de neve en alternativa, empregamos o panel interactivo de palabras na biblioteca, decoramos a nosa inicial, entregamos as nosas cartas ao paxe real, descubrimos o calendario de adviento, cantamos moitas panxoliñas, desfrutamos dunha festa de Nadal na clase... podedes ver todas as fotos destes días premendo no seguinte enlace: Nadal.

E un resumo destas primeiras navidades no seguinte vídeo:

Hoxe rematamos este trimestre cunha xincana de Nadal con actividades por todo o centro (podedes ver todas as fotos da galería da páxina web do centro) e coa simulación das badaladas todos xuntos na biblioteca. 

BO NADAL  E FELIZ 2026!

Apalabrando a Lingua (4º E.I.)

 Estes días levamos a cabo unha nova actividade, proposta polo equipo de Biblioteca e de normalización de lingüística, que leva por título "Apalabrando a Lingua". Na nosa clase eleximos a temática do Nadal e gravamos os nomes de diferentes palabras en galego para despois poder escoitalos a través do panel interactivo de pictogramas que reproducen os sons. Podedes ver todas as fotos desta actividade e tamén algún vídeo no seguinte enlace: apalabrando a lingua.

Cociña de Nadal (4º E.I.)

 

O pasado mércores acudimos a unha das aulas que máis nos gusta, a cociña, a facer diferentes biscoitos de Nadal para a nosa festa. Batimos os ovos, botamos fariña, aceite, azucre... e esperamos como se facían no forno. Podedes ver todas as fotos premendo no seguinte enlace: cociña de Nadal.

Postal de Nadal (4º E.I.)

 

Como todos os anos o Concello de Malpica organiza o tradicional concurso de postais de nadal para escoller os debuxos que ilustrarán os diferentes carteis das actividades municipais destas festas. O gañador foi a clase de 4º DE EDUCACIÓN INFANTIL que elaborou un debuxo conxunto coas pegadas das mans de todos os nenos e nenas da clase e a decoración do árbore con diferentes elementos de reciclaxe. A imaxe presidirá a pantalla dixital instalada no  Concello. O pasado venres recibimos na biblioteca do centro ao alcalde, Eduardo Parga, e a Concelleira de Cultura, Noelia Freijeiro que lles fixeron entrega do premio que tanta ilusión lles fixo.

Educa Tribu de Nadal

 Este ano pedimos colaboración ás familias para realizar diferentes EducaTribus de Nadal nas diferentes aulas e, como sempre, o noso máis sincero agradecemento para aquelas familias que sacaron tempo para compartir estes momentos tan estupendos e que a todos eles lles encantan. Premendo nos seguintes enlaces tedes un resumo de todos os talleres que realizamos en Educación Infantil:

- Adornos de Nadal na clase de 4 e 5 anos.

- Instrumentos tradicionais e panxoliñas para todo Educación Infantil.

- Obra de teatro: cando martiño tiña gañas de facer pis na noite de reis para todo Educación Infantil.

- Postais de Nadal na clase de 3 anos.

- 

Aula sensorial polo Nadal

 O alumnado de Educación Infantil pasou estes días pola aula sensorial para realizar diferentes actividades de Nadal:

- Lectura de libros de Nadal na cabaña.

- Decoración de adornos de nadal con pintura fluorescente e luz ultravioleta.

- Xogo de ruleta e búsqueda do adorno navideño en arroz verde.

- Creación de minimundos de nadal e de inverno na mesa sensorial.

- Diferentes plantillas de nadal nas mesas de luz e no proxector.

- Actividad sensorial de moldes de silicona.

- Realización de postais en cartulina negra, estampando adornos e empregando purpurinas.

- Búsqueda de copos de neve asociando coas súas cantidades.

Podedes ver todas as imaxes premendo no seguinte enlace: aula sensorial- nadal.

Postal de Nadal 2023

Presentamos a vídeo-postal de Nadal que creamos entre todas e todos para cumprir co Compromi-sas do mes de decembro: Nadal, tempo para comunicar!. Asemade, as bolsiñas-agasallo que Leo, a nosa serea lectora, nos deixou nas portas das aulas tamén tiñan esta encarga: crear unha postal de Nadal para remitir a outras comunidades; e nós enviámola ao Centro de Día de Carballo, para os nosos maiores.

E con esta vídeo-postal, familias e comunidade, todos os nenos e nenas de infantil do CEIP Milladoiro vos desexan...

BO NADAL! 🎅🎄

ACTIVIDADES DO NADAL NO PEQUECIENCIAS ( 4ºEI/ 5º EI)

 Durante esta semana o alumnado de 4º e 5º de Educación Infantil disfrutou dunha feria de Nadal organizada no pequeciencias. 

Preme na imaxe para acceder ó álbum de 4º EI

Puideron realizar en pequeno grupos varias actividades:

- Lectura de contos con lanternas.

- Xogo numérico de Nadal co  robot DOT

- Piano para tocar cos pés, coa partitura por cores da panxoliña de Navidad

- Xogo de trazos tirando un dado.

- A busca de elementos de Nadal na mesa sensorial utilizando a ruleta.

- Xogos na mesa de luz.

- Realidade aumentada con plastilina

- Vídeos navideños coas gafas de realidade virtual

Preme na imaxe para acceder ó álbum de 5º EI

O Nadal en 5º EI

 Durante este mes traballamos a temática do nadal onde realizamos un montón de actividades:

- PORTADAS DOS NOSOS TRABALLOS

- POSTAIS DE NADAL

- MANDALAS NAVIDEÑOS

- DEBUXO PARA O CONCURSO DO NADAL DO CONCELLO

- CARTA ÓS REIS MAGOS

Agasallo ( 5º EI)

Hoxe, a primeira hora levamos unha grande sorpresa, David, o papá de Ainara trouxonos un agasallo moi grande, así que tivemos que saír ó corredor para descubrir que era.

O agasallo era unha cheminea preciosa elaborada por David e Ainara, que bonita!!!!!!!!!!

MOITÍSIMAS GRAZAS POR TRAER ESTES AGASALLOS TAN BONITOS QUE FACEDES EN FAMILIA!!!!!

 

Laboratorio de Ideas: Adornos naturais de Nadal ( 5º EI)

 Neste mes de decembro, o equipo creativo propuxo realizar adornos para as nosas árbores, que sempre expoñemos na entrada das nosas aulas e na entrada ó centro.

Na nosa clase decidimos realizar uns adornos con pedras, que pintamos como se foran árbores e decoramos con pinchiñas de pintura:

Preme na imaxe para acceder ó álbum

Para rematar colocamos unha estrela que deseñamos días atrás e imprimimos en 3D:

Nadal en 4º E.I.

Moito traballaron os nenos e nenas de 4º de Educación Infantil cos seus adornos de Nadal. Fixeron árbores de pinas decorados con plastilina, arbolitos con pompóns, botas de Papa Noel, a postal de Nadal... podedes ver todo o que traballaron premendo no seguinte enlace: adornos de Nadal.

 

Laboratorio de imaxe: Un nadal con moita luz

 Neste mes de decembro, o equipo tecnolóxico, baixo o lema Un Nadal con moita Luz, propuxo realizar dentro do laboratorio de imaxe, unha postal de Nadal incluíndo nela unha circuíto electrónico sinxelo.

Os máis peques realizaron circuítos E-Téxtil en papel e os máis maiores desenvolveron a creatividade utilizando fieltro. 

O pasado curso, a partir dunha formación para o alumnado ofertada pola Asesoría de Bibliotecas Escolares, tivemos no centro a Paola Guimeráns, un referente na creación de circuítos E-Téxtil, polo que este curso decidimos que todo o alumnado do centro tiña que coñecer esta dinámica tan creativa e chamativa.

Aquí tedes os produtos finais!!!  

Postais navideñas con circuítos electrónicos - Kizoa Movie Maker

FELICES FESTAS !!!!!!!

CARTA ÓS REIS MAGOS ( 4º EI)

Neste mes, os nenos e nenas de 3 aniños subimos á Radio Balea por primeira vez. A pesar de que algúns peques non quixeron participar, conseguimos que todos entraran no estudo e permaneceran alí tranquilos un ratiño para perder o medo. Tivemos algún erro técnico polo que falta a gravación dun grupo, aínda así realizaron a actividade e cumplimos o obxectivo, subir e coñecer o estudo de radio e achegarnos ós micros e cascos. Fixéronno moi moi ben!!! Neste podcast podedes escoitar o que piden ós Reis Magos, esperamos que vos guste. FELICES FESTAS!!!!

 

Nadal 2020 en 4º E.I.

 Este vídeo é un resumo dalgunhas das actividades que fixemos neste Nadal tan atípico na clase de 3 anos. Con cada unha delas intentamos que os nenos e nenas sentiran a mesma ilusión e motivación que todos os anos. Esperemos que o disfrutedes!

Reis Magos

 Hoxe tivemos a visita virutal dos Reis Magos, xa que nos tempos que estamos vivindo non puideron achegarse ao centro como fan todos os anos. Xa elaboráramos as cartas previamente e ademais agasalláronnos con caramelos para todos. Podedes ver todas as imaxes premendo no seguinte enlace: Reis Magos.

PORTADAS DOS TRABALLOS ( 4º EI)

Durante este mes traballamos o conto de "Cando Martiño tivo ganas de mexar na noite de Reis".  Tras deseñar no Leolab unha locomotora, imprimimos as pezas na impresora 3D , que despois coloreamos con rotuladores especiais e con esmalte de unllas con purpurina. Estas pezas incorporámolas ás nosas portadas nas que realizamos unhas vías para a nosa locomotora. Quedaron moi chulas!!!!!!!!! 

PORTADAS DOS TRABALLOS 

LABORATORIO DE IMAXE: UN NADAL CON MOITA LUZ ( 4º EI)

Para este mes de decembro, o equipo de imaxe propuxo traballar a luz a partir da realización dun circuíto E-téxtil para a creación de postais navideñas. 

 Na nosa clase creamos estas postais partindo do noso tren navideño:

Circuíto E-téxtil: Postais Nadal

 Tamén realizamos xogos na mesa de luz coa temática do Nadal:

XOGAMOS NA MESA DE LUZ

RECOMENDACIÓNS SOBRE OS AGASALLOS

 

ADORNOS DE NADAL (4º E.I.)

 

Que bonitas están quedando todas as árbores de Nadal cos adornos de reciclaxe tan orixinais que elaboráchedes, que gran traballo! Podedes ver os adornos dos compañeiros e compañeiras de clase premendo no seguinte enlace: Adornos de Nadal.