RECUNCHO MINIMUNDOS ( 6º EI)

 Este curso dentro do recuncho de minimundos, os peques seguen creando auténticas obras de arte que queremos compartir con tod@s!!!

 

COVA PREHISTÓRICA ( 6º EI)

 Hoxe comprobamos que o papel que pintamos onte coas diferentes mesturas xa estaba seco, e observamos que falta algo de cor negra, polo que utilizando ceras brandas realizamos máis pinturas rupestres.

E desta forma quedou a nosa cova!!!!

Premer na imaxe para acceder á galeria

Nadal na Aula Sensorial (6º E.I.)

 Hoxe fumos a celebrar o Nadal na Aula sensorial e en parellas realizamos as seguintes actividades:

- Yoga de Frozen (premendo no enlace podedes ver o vídeo e practicar na casa).

- Pintar unha árbore de Nadal e poñer o noso nome cos ollos tapados.

- Actividades na mesa de luz de Nadal.

- Construcións navideñas co retroproxector.

- Memori de sons.

- Actividades da vida cotiá: pesas, candados e ferramentas.

- Búsqueda de letras nas bolas para poñer a frase: Bo Nadal!

- Lectura de libros de Nadal con lenternas.

Podedes ver as fotos de como desfrutaron de todas as actividades premendo no seguinte enlace: Nadal na aula sensorial.

PINTURAS RUPESTRES ( 6º EI)

 Para rematar este trimestre e dentro do noso Proxecto sobre a Prehistoria, descubrimos as pinturas rupestres.

Un día na asemblea falando sobre este tema decidimos converter a nosa aula nunha cova prehistórica, e para iso necesitamos decorar a porta de entrada con arte rupestre. Para poder realizar esta tarefa precisabamos de materiais naturais para pintar, así que fixemos unha relación de cousas que poderiamos utilizar e que pintaran de cor vermella, marrón, laranxiña..,

Así que hoxe, na aula multisensorial, comezamos a nosa actividade creativa. Utilizando agua, canela, orégano, pementa, colorante alimentario laranxa, vermello e amarelo creamos as nosas mesturas, utilizando morteiros, botes e pinceis para mesturar e contagotas.

Foi unha actividade moi divertida, Como nos gusta mancharnos!!!

Premer na imaxe para acceder á galería

Cando a entrada á nosa cova estea colocada ensinaremos o resultado!!!

EDUCATRIBO ( ANIVERSARIOS): O LIBRO VIAXEIRO DE DANIELA M.( 6º EI)

Este curso, para a celebración dos aniversarios, e dentro do Proxecto Educa-tribo, convidamos ás familias ó cole a ler a súa historia do libro viaxeiro para toda a clase.

O libro viaxeiro marchou a casa de Daniela M., que estivo de volta a pasada semana, pero aínda non é o seu aniversario, así que ata o próximo verán non terá 6 anos!!

Diana, a súa mamá, e Daniela nos contaron a historia da súa vida, na que se ve o moito que lle gustan as celebracións, especialmente o Nadal e o seu aniversario.

Cando estea cheo das vosas historias volverá ás vosas casas para que poidades disfrutar de todas elas.

Ademais da visita de Diana, entre todos, describimos as calidades da protagonista relacionadas coa súa personalidade, carácter, forma de ser... e coas que estaba conforme as escribimos e realizamos un cartel que levará de agasallo ó rematar o curso.

MOITÍSIMAS FELICIDADES ADIANTADAS DANIELA E GRAZAS POR VIR !!!

ADORNOS DE NADAL RECICLADOS ( 6º EI)

O tempo de Nadal está chegando, así que esta semana da man de Pablo do grupo Limpocean, disfrutamos dun obradoiro no que tivemos que crear adornos de nadal para unha árbore. 

Nesta actividade seguimos traballando a importancia da reciclaxe e a reutilización, así que os nosos adornos foron creados con múltitude de materiais: restos de goma eva, cartolinas e diversidade de papeis; tapóns, cápsulas de café, o plástico das caixas de bombóns...

Foi unha actividade moi divertida e creativa, e ademais cun produto final moito máis impactante do que esparabamos.

Premer na imaxe para acceder á galería

 

EDUCATRIBO ( ANIVERSARIOS): O LIBRO VIAXEIRO DE MAYRA ( 6º EI)

Este curso, para a celebración dos aniversarios, e dentro do Proxecto Educa-tribo, convidamos ás familias ó cole a ler a súa historia do libro viaxeiro para toda a clase.

O libro viaxeiro marchou a casa de Mayra, que estivo de volta o xoves que foi o seu aniversario. XA TEN 5 ANOS!!!

Eva, a súa mamá, e Mayra nos contaron a historia da súa vida e da súa familia, do que máis lle gusta facer e cousas moi divertidas que nos faceron rir.

Cando estea cheo das vosas historias volverá ás vosas casas para que poidades disfrutar de todas elas.

O día da celebración do aniversario, entre todos, describimos as calidades da protagonista relacionadas coa súa personalidade, carácter, forma de ser... e coas que estaba conforme as escribimos e realizamos un cartel que levará de agasallo ó rematar o curso.

MOITÍSIMAS FELICIDADES MAYRA E GRAZAS A EVA POR VIR!!!